नवी मुंबई : दुचाकीच्या धडकेत दोन तरुणांचा मृत्यू झाल्याची घटना रविवारी पहाटे एक वाजण्याच्या सुमारास घडली. पनवेल-कर्जत रोडवर हा अपघात झाला. नेरळ येथील रहिवासी सिद्धार्थ जाधव (३१) आणि भिसेगाव येथील सुजित बोराडे (२६) अशी मृतांची नावे आहेत.जाधव चौकातून (पनवेल बाजू) कर्जतकडे निघाले होते. बोराडे हे विरुद्ध दिशेने जात होते. वेगात असलेल्या दोन दुचाकीस्वारांनी ताबा सुटल्याने ते एकमेकांवर आदळले. चौक पोलिस चौकीचे पोलिस उपनिरीक्षक विशाल पवार यांच्या नेतृत्वाखाली पथकाने दोघांना तातडीने शासकीय ग्रामीण रुग्णालयात दाखल केले. मात्र, डॉक्टरांनी त्यांना मृत घोषित केले. याप्रकरणी खालापूर पोलीस ठाण्यात गुन्हा दाखल करून पोलीस अधिक तपास करत आहेत.ज्या ठिकाणी बांधकाम झाले नाही, तेथे उरलेल्या रस्त्यांच्या मध्यभागी रस्त्यांची मागणी स्थानिकांनी केली.
