मुंबई: बोरिवली पूर्व येथे सोमवारी रात्री उशिरा बेस्टची बस रस्त्याच्या दुभाजकावर अडकली. दौलत नगर बसस्थानकाजवळ रात्री 11.20 च्या सुमारास ही घटना घडली असून यात कोणतीही दुखापत झाली नाही.मागाठाणे आगारातून मिळालेल्या वृत्तानुसार, A-462 मार्गावरील बस वैशाली नगरहून बोरिवली पूर्वेकडे जात असताना एका अज्ञात मोटारसायकलस्वाराने अचानक डाव्या लेनवरून कट मारला. टक्कर टाळण्याच्या प्रयत्नात, ड्रायव्हरने बस जोरात उजवीकडे वळवली, ज्यामुळे ती बस रस्त्याच्या दुभाजकावर जाऊन अडकली.अडकलेली बस काढून मागाठाणे आगारात परत आणण्यासाठी नंतर टोइंग वाहन तैनात करण्यात आले. या घटनेत प्रवासी किंवा बसचे कर्मचारी जखमी झाले नसल्याचे बेस्टच्या अधिकाऱ्यांनी सांगितले.
