उल्हासनगर दि ९ ( प्रमोद दळवी ) : वंदनीय हिंदुहृदयसम्राट शिवसेनाप्रमुख स्व. बाळासाहेब ठाकरे व स्व. धर्मवीर आनंद दिघे यांच्या आशीर्वादाने व शिवसेना मुख्य नेते. एकनाथजी शिंदे (उपमुख्यमंत्री, महाराष्ट्र राज्य) यांच्या आदेशानुसार, खासदार डॉ. श्रीकांतजी शिंदे यांच्या मार्गदर्शनाखाली तसेच जिल्हा प्रमुख गोपाळ लांडगे यांचे भक्कम पाठबळ व उपजिल्हा प्रमुख अरुण अशान व महानगर प्रमुख राजेंद्र चौधरी यांच्या अमूल्य सहकार्यामुळे सचिन कदम यांची शिवसेना शहर प्रमुख – उल्हासनगर (पूर्व) कॅम्प ४ व ५ या महत्त्वपूर्ण पदावर नियुक्ती करण्यात आली आहे.
शिवसेना पक्षश्रेष्ठींनी माझ्यावर दाखविलेला विश्वास दिलेला सन्मान आणि सोपविलेली ही जबाबदारी माझ्यासाठी अभिमानाची बाब असून पक्षसंघटना अधिक मजबूत करणे, जनसामान्यांच्या समस्या सोडविणे आणि शिवसेनेची विचारधारा तळागाळापर्यंत पोहोचविण्यासाठी मी पूर्ण क्षमतेने कार्यरत राहीन असे सचिन कदम यांनी सांगितले. या नियुक्तीबद्दल सचिन कदम यांनी सर्व वरिष्ठ नेते, पदाधिकारी, सहकारी आणि शिवसैनिक बंधू-भगिनींचे मनःपूर्वक आभार व्यक्त केले.
