शिरोळ दि.१२: दिवंगत अमृता सुकाजी घनघाव गुरुजी यांच्या २४ व्या स्मृतिदिनानिमित घनघाव एज्युकेशन ट्रस्टच्या वतीने शिरोळ येथील जिल्हा परिषद शाळेतील विद्यार्थ्यांना शैक्षणिक साहित्याचे वाटप करण्यात आले.
यावेळी शिरोळ ग्रामपंचायतीच्या सदस्या सौ. भारती शांताराम पवार, माजी उपसरपंच श्री. सिराज शेख,राष्ट्रवादीचे युवा नेते श्री मच्छिंद्र निकाले, आम्रपाली महिला बचत गटाच्या अध्यक्षा सौ.अनिता पवार, स्थानिक रहिवासी श्री. जयवंत वाघचौडे, घनघाव एज्युकेशन ट्रस्टचे अध्यक्ष श्री राजेश घनघाव, विश्वस्त श्री.सुनिल घनघाव, आदर्श घनघाव तसेच जिल्हा परिषद शाळेच्या मुख्याध्यापिका सौ. रेखा जंगम, सहशिक्षिका सौ कविता भोये यांच्या हस्ते शैक्षणिक साहित्याचे वाटप करण्यात आले. यावेळी दिवंगत घनघाव गुरुजी यांच्या स्मृतीस अभिवादन करण्यात आले. शाळेतील विद्यार्थ्यांना शैक्षणिक साहित्याचे वाटप करण्यात आल्याने विद्यार्थ्यांमध्ये आनंदाचे वातावरण निर्माण झाले होते.
