टिटवाळा दि २९ ( प्रमोद दळवी ) : टिटवाळा पोलीस ठाण्याच्या हद्दीतील नालंबी अंबरनाथ रोड परिसरातील झाडाझुडपात २५ ते ३० वयोगटातील एका तरुणाचा अत्यंत क्रूर पद्धतीने हत्या करून त्या तरुणाचा शीर नसलेला मृतदेह पोलिसांना मिळून आला आहे. या घटनेमुळे टिटवाळा पोलीस ठाण्याच्या हद्दीत एकच खळबळ उडाली असून क्रूरपणे हत्या करण्यात आलेल्या त्या अज्ञात तरुणाची ओळख पटण्यासाठी पोलिसांनी तपास कार्य सुरू केले आहे. या भयानक घटनेमुळे टिटवाळा परिसरात एकच खळबळ उडाली आहे.
पोलीस सूत्राने दिलेल्या माहितीनुसार टिटवाळा पोलीस ठाण्याच्या हद्दीतील नालंबी अंबरनाथ रोड जवळील झाडाझुडपात एका अज्ञात तरुणाचा मुंडके नसलेला मृतदेह पडलेला असल्याची माहिती टिटवाळा पोलिसांना सकाळी मिळतात पोलीस निरीक्षक कदम यांच्यासह पोलीस अधिकारी व कर्मचाऱ्यांनी त्या ठिकाणी धाव घेतली.त्या ठिकाणी एका अज्ञात तरुणाचा अत्यंत क्रूर पद्धतीने हत्या केलेला मृतदेह पडलेला पोलिसांना मिळून आला. त्या अज्ञात तरुणाचे मुंडके धडापासून वेगळे केलेले होते. मृतदेहाजवळ ते मुंडके नसल्यामुळे कोणीतरी अज्ञात मारेकऱ्याने त्या अज्ञात तरुणाची हत्या केल्यावर त्याची ओळख पटू नये या दृष्टिकोनातून पुरावा नष्ट करण्याच्या हेतूने मुंडके नसलेला मृतदेह त्या ठिकाणी आणून टाकला असावा असा प्राथमिक अंदाज पोलिसांनी वर्तवला आहे. पोलिसांनी त्या अज्ञात तरुणाच्या मृतदेहाचा पंचनामा करून तो मृतदेह पोस्टमार्टम साठी उल्हासनगरतील मध्यवर्ती रुग्णालयात पाठवण्यात आला आहे. पोलीस त्या अज्ञात तरुणाच्या मृतदेहाच्या मुंडक्याचे सर्वत्र शोध घेत आहेत.
कोणीतरी अज्ञात मारेकरांनी कोणत्यातरी धारदार हत्यारणे त्या अज्ञात तरुणाचे मुंडके छाटून त्याची हत्या करण्यात आले असल्याचे घटनास्थळाच्या पाहणी वरून पोलिसांना दिसून आले आहे. याप्रकरणी टिटवाळा पोलीस ठाण्यात अज्ञात आरोपीविरुद्ध खुनाचा गुन्हा दाखल करण्यात आला असून अधिक तपास पोलीस करीत आहेत. याशिवाय त्या हत्या करण्यात आलेल्या अज्ञात तरुणाच्या मृतदेहाची ओळख पटवण्यासाठी पोलिसांनी तपास कार्य सुरू केले आहे. त्या अज्ञात तरुणाबाबत कोणाला काय माहिती असल्यास टिटवाळा पोलीस ठाण्याची संपर्क साधावे असे आवाहन पोलिसांनी केले आहे. या घटनेमुळे टिटवाळा पोलीस ठाण्याच्या हद्दीत एकच खळबळ उडाली आहे. मृतदेहाच्या अंगावरील कपड्यावरून पोलिसांनी तपास कार्याला सुरुवात केली आहे. हत्या करण्यात आलेल्या त्या तरुणाला त्या ठिकाणी आणून ठार मारण्यात आले की दुसऱ्या ठिकाणी ठार मारून त्याचा मृतदेह त्या ठिकाणी आणून टाकला आहे का याचाही तपास पोलिसांनी सुरू केला आहे.
