उल्हासनगर दि.१४ : उल्हासनगर महापालिकेचे प्रशासक तथा आयुक्त सौ मनिषा आव्हाळे (भा.प्र.से) यांच्या मार्गदर्शनाखाली उल्हासनगर महापालिकेच्या मुख्यालय येथे छत्रपती संभाजी महाराज यांची जयंती साजरी करण्यात आली. त्यावेळी छत्रपती संभाजी महाराज यांच्या प्रतिमेस व महापुरुषांच्या पुतळ्यास पुष्पहार अर्पण करून त्यांना अभिवादन करण्यात आले.
या कार्यक्रमास मुख्य लेखापरीक्षक शरद देशमुख, महापालिका सचिव सौ प्राजक्ता कुलकर्णी, विधी विभाग प्रमुख राजा बुलानी, मुख्य सुरक्षा अधिकारी यशवंत सगळे, वैद्यकीय अधिकारी श्रीमती मोहिनी धर्मा, भांडार विभाग प्रमुख अंकुश कदम, दिव्यांग कल्याणकारी विभाग प्रमुख राजेश घनघाव, क्रीडा अधिकारी शांताराम चौधरी व इतर अधिकारी कर्मचारी मोठ्या संख्येने उपस्थित होते अशी माहिती प्रसिद्धी पत्राद्वारे सहाय्यक आयुक्त(१) तथा जनसंपर्क अधिकारी अजय साबळे यांनी दिली.
