मुंबई दि.३० : मराठवाडा, नाशिक, सोलापूर, अहिल्यानगर जिल्ह्यांसह राज्यातील विविध ठिकाणी अतिवृष्टिमुळे पूर परिस्थिती निर्माण झाली आहे. त्यामुळे विद्यार्थ्यांना ३० सप्टेंबर या तारखेच्या मुदतीत परीक्षेसाठी अर्ज भरणे शक्य नाही. या पार्श्वभूमीवर उपमुख्यमंत्री एकनाथजी शिंदे यांनी परिक्षा अर्ज भरण्यास २० ऑक्टोबरपर्यंत मुदतवाढ करण्याचे निर्देश दिले. यामुळे बारावीच्या विद्यार्थ्यांना आता मोठा दिलासा मिळाला असून त्यांच्यात आनंदाचे वातावरण पसरले आहे. शिवसेना – महायुती सरकार सदैव विद्यार्थ्यांच्या पाठीशी खंबीरपणे उभे आहे.
