उल्हासनगर दि . २९ ( प्रमोद दळवी ) : उल्हासनगर महानगरपालिकेच्या चार प्रभाग समितीच्या सभापतीपदासाठी सोमवारी उमेदवारी अर्ज दाखल करण्यात आले. महायुतीच्या वाटपानुसार शिवसेना आणि भाजपाने प्रत्येकी दोन प्रभाग समित्यांवर दावा केलाय. प्रभाग समिती क्रमांक १ साठी भाजपाच्या सौ भावना केशव ओवळेकर, प्रभाग समिती क्रमांक २ साठी शिवसेनेच्या संघमित्रा विशाल हजारे, प्रभाग समिती क्रमांक ३ साठी शिवसेनेच्या संगीता नितीन सपकाळे आणि प्रभाग समिती क्रमांक ४ साठी भाजपाच्या सुहाना रवी जेसवानी यांनी आपले उमेदवारी अर्ज सादर केले आहेत . चौघांनीच उमेदवारी अर्ज दाखल केल्यामुळे या चौघांची बिनविरोध निवड झाली असून गुरुवारी अधिकृत घोषणा केली जाणार आहे.
त्यावेळी महापौर ॲड. अश्विनी कमलेश निकम, शिवसेना कल्याण जिल्हाप्रमुख गोपाळ लांडगे, स्थायी समिति सभापति बिट्टू भाई, सभागृह नेते अरुण आशान, महानगरप्रमुख राजेंद्र चौधरी, उपमहापौर अमर लुंड, भाजप गटनेते राजेश वधारिया, महेश सुखरामाणी, जमनादास पुरसवाणी, शिवसेनेचे नेते कमलेश निकम तसेच महायुतीचे पदाधिकारी व नगरसेवक मोठ्या संख्येने उपस्थित होते.
उल्हासनगर महानगर पालिकेत महिला राज असून आयुक्त / महापौर आणि आता प्रभाग समिती ४ ही महिलांकडे आहे. सभापती पदासाठी दुसरा कोणीही उमेदवारी अर्ज दाखल न केल्याने या चौघांचीही बिनविरोध निवड झाली आहे . २ जुलै रोजी गुरवारी यांची अधिकृत घोषणा केली जाणार आहे. भाजप आणि शिवसेनेला प्रत्येकी दोन समित्या मिळाल्या आहेत.
