उल्हासनगर दि.१३ ( प्रमोद दळवी ) : उल्हासनगर शहरातील कॅम्प नंबर -४ परिसरातील सुभाष टेकडीतील रस्त्यांची अत्यंत दयनीय अवस्था झाली होती. नवनिर्वाचित वंचित बहुजन आघाडीचे नगरसेवक विकास खरात यांनी पालिका आयुक्त व महापौर यांना पत्र व्यवहार करून सुभाष तिकडेतील खड्डेमय झालेल्या काही रस्त्याचे डांबरीकरण आंबेडकर जयंतीच्या आत करण्यात यावे अशी मागणी केली होती. अखेर त्यांच्या प्रयत्नांना यश आले असून सोमवारी सुभाष टेकडीतील गुप्ता किरणा स्टोअर ते डॉक्टर लाड यांच्या दवाखान्यापर्यंत रस्त्याचे व सेंटर पार्क रोड, डॉक्टर वासनिक यांच्या दवाखाना समोरील रस्त्यांचे डांबरीकरण करण्यात आले.तसेच आंबेडकर चौकातील रस्त्यांवर पडलेले खड्डे डांबरीकरण करून भरण्यात आले.
सुभाष टेकडीतील अनेक रस्त्यांची दुरवस्था झाली आहे. या रस्त्यांची डागदुजी करण्यात आली नसल्यामुळे रस्त्यांवर भले मोठे खड्डे काही ठिकाणी पडले होते. त्यामुळे नागरिकांना या रस्त्यावरून जाताना त्रास सहन करावा लागत होता. गुप्ता किराणा स्टोअर ते डॉक्टर लाड यांच्या दवाखान्यापर्यंत रस्त्यांची तर अक्षरशा चाळण झाली होती. या रस्त्याचे डांबरीकरण करण्यात यावे अशी मागणी स्थानिक नागरिकांनी नवनिर्वाचित वंचित बहुजन आघाडीचे नगरसेवक विकास खरात यांच्याकडे केली होती. नगरसेवक विकास खरात यांनी त्वरित उल्हासनगर महानगरपालिका आयुक्त व महापौर यांना पत्रव्यवहार करून सुभाष टेकडीत दुरवस्था झालेल्या रस्त्यांचे डांबरीकरण करण्यात यावे. याशिवाय सुभाष टेकडीतील आंबेडकर चौकातील डॉ. बाबासाहेब आंबेडकर यांच्या पुतळ्याजवळील मार्बल वर कार्पेट बसवण्यात यावा अशी मागणी केली होती. डॉ. बाबासाहेब आंबेडकर यांच्या जयंतीच्या आधी हे काम पूर्ण करण्यात यावे अशी मागणी केली होती.
अखेर सोमवारी १३ एप्रिल रोजी विकास खरात यांनी स्वतः उभे राहून गुप्ता किरणा स्टोअर ते डॉक्टर लाड यांच्या दवाखान्यापर्यंत रस्त्याचे व सेंटर पार्क रोड, डॉक्टर वासनिक यांच्या दवाखाना समोरील रस्त्यांचे डांबरीकरण करून घेतले.तसेच आंबेडकर चौकातील रस्त्यांवर पडलेले खड्डे डांबरीकरण करून भरण्यात आले. व चौकातील डॉ. बाबासाहेब आंबेडकर यांच्या पुतळ्याजवळ कार्पेट देखील बसून घेतले. त्यामुळे स्थानिक नागरिकांनी त्यांचे आभार प्रकट केले आहे. सुभाष टेकडीत अनेक विकास कामे रखडले आहेत. आताही विकास कामे आपण लवकरच पूर्ण करणार असल्याचे नगरसेवक विकास खरात यांनी सांगितले.
