उल्हासनगर दि.१४ ( प्रमोद दळवी ) : संतांच्या अपार कृपेने व महापुरुषांच्या आशीर्वादाने कॅम्प नंबर -५ परिसरातील पूज्य साई वसणशाह दरबार इथे सतगुरु साई वसणघोट यांच्या १३१ वा वर्सी महोत्सव व एसव्हीएस भवनचा भव्य उद्घाटन सोहळा आयोजित करण्यात आला होता. या एसव्हीएस भवनचे भव्य उद्घाटन थोर संतांच्या हस्ते करण्यात आले. या महोत्सव थोर संत, महात्मा व शहरातील प्रसिद्ध उद्योगपती व्यापारी तसेच विविध मंडळी मोठ्या संख्येने उपस्थित होते. हा महोत्सव १० ऑक्टोबर ते १८ ऑक्टोबर २०२५ पर्यंत सुरू आहे. मोठ्या उत्साहात आणि धुमधडाक्यात एसव्हीएस भवनचा उद्घाटन सोहळा पार पडला .
या उद्घाटन सोहळ्याला आमदार कुमार आयलानी, पप्पू कलानी, राजा गेमनानी, लाल पंजाबी, किशोर वनवारी यांच्यासह अनेकांनी गादीनशीन हजुरी रूप बाबा साई कालीराम साहिब यांचे आशीर्वाद घेतले. उत्साहाच्या ठिकाणी लंगर, तसेच भजन कीर्तन देखील ठेवण्यात आले आहे. गादीनशीन हजुरी रूप बाबा साई कालीराम साहिब यांनी या भवन बाबत सांगितले की हा भवन खूपच सुंदर पद्धतीने बनवण्यात आला आहे. सर्वांच्या सहकार्याने उभारण्यात आलेला या भवनाने इतिहास रचला आहे. थोर महापुरुष आणि संतांच्या कृपेने आणि आशीर्वादाने व सर्वांच्या सहकार्याने उभारण्यात आलेल्या या भवन मध्ये एकूण ६१ खोल्या आहेत. त्यात सहा सुंदर खोले आहेत. ५५ प्रीमियर आणि एसी डीलक्स खोल्या देखील आहेत. साई अमरदास साहिबजी यांच्या नावाने एक सामुदायिक सभागृह बांधण्यात आले आहे .ही इमारत अतिशय सुंदर बांधलेली आहे. यासाठी अनेक लोकांनी योगदान दिले आहे. त्याचा लाभ संगत घेऊ शकते. लग्नासाठी ज्याला खोलीची आवश्यकता आहे. इतर कारणांसाठी, जसे की बाजारात येणाऱ्या व्यापाऱ्यांसाठी खोलीसाठी दर खूपच कमी आहे. आमची व्यवस्थापन टीम सर्व काही सांगेल.
दरबारात मेळाव्याला येणाऱ्या भाविकांसाठी या खोल्या पूर्णपणे मोफत आहेत. त्या ठिकाणी गोशाळाचे बांधकाम सुरू आहे आणि दोन महिन्यांत गोशाळा देखील तयार होईल असे गादीनशीन हजुरी रूप बाबा साई कालीराम साहिब यांनी सांगितल . भवनचा भव्य उद्घाटन सोहळा प्रसंगी अनेक मान्यवरांचे सत्कार करण्यात आले.
