उल्हासनगर दि .९ ( प्रमोद दळवी ) : गेल्या महिन्यात नेत्र तपासणी शिबिराला मिळालेला उत्कृष्ट प्रतिसाद पाहून आमदार कुमार आयलानी यांनी पुन्हा एकदा नेत्र तपासणी आणि मोफत देवाभाऊ चष्मे वाटप शिबिराचे आयोजन शनिवारी केले होते. या शिबिराला नागरिकांची मोठ्या प्रमाणात गर्दी दिसून आली. नगरसेविका व माजी महापौर मीना आयलणी यांच्या उपस्थितीत हे शिबिर संपन्न झाले.
शनिवारी झालेल्या शिबिरात ३५० हून अधिक लोकांची नेत्र तपासणी करण्यात आली आणि देवाभाऊ चष्म्यांचे वाटप करण्यात आले. ७४ जणांना मोतीबिंदू शस्त्रक्रियेची आवश्यकता असल्याचे निदान झाले. या सर्व व्यक्तींवर मोफत मोतीबिंदू शस्त्रक्रिया केली जाणार आहे हे शिबिर भाजपच्या महिला जिल्हाध्यक्ष मंगला चांडा यांच्या देखरेखीखाली आयोजित करण्यात आले होते. मंगला चांडा यांनी शिबिरात आलेल्या नागरिकांची काळजी घेत त्यांचे रजिस्ट्रेशन करून नेत्र तपासणी करून घेण्यात मदत केली.
विशेष म्हणजे, हे चष्मा शिबिर प्रसिद्ध समाजसेवक साकिब गोरे यांच्या माध्यमातून आयोजित करण्यात आले होते. नेत्र तपासणी आणि मोफत चष्मा शिबिरा संदर्भात आमदार कुमार आयलानी यांनी नागरिकांना या शिबिराचे लाभ घेण्याचे आवाहन केले होते. त्याला नागरिकांचा उत्कृष्ट प्रतिसाद मिळाला. यादरम्यान नेहा काकड़े, उमेश सोनार, उमेश पंडित, साधना रूपरेजा, वैशाली शिरसाट, भूमि शर्मा, लक्ष्मी तलरेजा, रमेश घरत व साकिब गोरे यांच्या टीमने महत्त्वाची भूमिका बजावली. त्यावेळी नगरसेवक नंद छापरु, पिंटो भटीजा, केशव ओवलेकर व इतरांनी आपली उपस्थिती नोंदवली आणि शिबिराला मिळालेल्या प्रतिसादाचे कौतुक केले.
