उल्हासनगर दि.३१ : उल्हासनगर महापालिकेचे मा. अति. आयुक्त (दि.क.यो.वि.) डॉ. धीरज चव्हाण यांनी गुरुवारी डाँ बाबासाहेब आंबेडकर अभ्यासिका केंद्रात दिव्यांग कल्याणकारी योजना विभागा मार्फत सुरू असलेल्या फिजिओथेरपी सेंटरची पाहाणी केली.
सदरचे सेंटर मे २०२५ पासुन सुरू केले असुन आज पर्यंत सुमारे २८८ दिव्यांगांनी फिजिओथेरपीचा लाभ घेतला आहे. सदर ठिकाणी मोफतपणे विविध प्रकारच्या थेरपी दिल्या जातात यामध्ये विशेष १) शाररिक चिकित्सा २) व्यावसायीक चिकित्सा ३) वाणी आणि भाषा चिकित्सा ४) मनोवैज्ञानिक सल्लागार ५) योगा थेरपी ६) दैनिक जीवनातील क्रिया ७) नर्सिंग देखभाल ८) पालकांचे प्रशिक्षण आणि समुपदेशन अशा विविध प्रकारच्या थेरपी दिल्या जातात सदरचे थेरपी सेंटर हे सोमवार ते शनिवार सकाळी १०:०० ते सायं. ५:०० वाजेपर्यंत सुरू ठेवण्यात आले आहे.
महानगरपालिकेच्या वतीने प्रथमच मोफत फिजिओथेरपीची सोय निर्माण करून देण्यात आली आहे त्यामुळे उल्हासनगर शहरातील दिव्यांग नागरीक/व्यक्ती/संस्थायांनी जास्तीत जास्त प्रमाणात याचा फायदा घ्यावा असे मा. अति. आयुक्त (दि.क.यो.वि.) डॉ. धीरज चव्हाण यांनी आवाहन केले आहे.
