उल्हासनगर दि.१३ ( प्रमोद दळवी ) : प्रभाग क्रमांक १ मधील टिळकनगर येथे कल्याण लोकसभेचे खासदार डॉ. श्रीकांत एकनाथ शिंदे यांच्या माध्यमातून विद्यार्थ्यांना मोफत वह्यांचे वाटप करण्यात आले. नव्या शैक्षणिक वर्षाच्या पार्श्वभूमीवर आयोजित या उपक्रमाला विद्यार्थी, पालक आणि नागरिकांनी मोठ्या संख्येने उपस्थित राहून उत्स्फूर्त प्रतिसाद दिला.
या कार्यक्रमाच्या आयोजनासाठी उपजिल्हाप्रमुख व नगरसेवक दिलीप गायकवाड तसेच नगरसेविका सौ. पूजा सचिन भोईर यांनी विशेष सहकार्य केले. या कार्यक्रमास अरुण आशान (उपजिल्हाप्रमुख व गटनेते तथा सभागृहनेते, उल्हासनगर महानगरपालिका), सचिन कदम (शहरप्रमुख, उल्हासनगर पूर्व), सुरेश सोनवणे (उपशहरप्रमुख), आदेश भा. पाटील (विभाग संघटक), राजू वाळंज (विभागप्रमुख), विल्सन डिसोज (उपविभागप्रमुख), ॲड. प्रदीप गोडसे (नगरसेवक), सौ. ज्योतीताई गायकवाड (माजी नगरसेविका), शाळिग्राम सोनवणे (माजी नगरसेवक), उमेश पवार (शाखाप्रमुख), किशोर पडार (शाखाप्रमुख), निवास कोळी (उपशाखाप्रमुख), सचिन भोईर (पॅनल प्रमुख), निखिल पाटील, सुनील सोनवणे, संजय निकम यांच्यासह शिवसैनिक, महिला वर्ग आणि स्थानिक नागरिक मोठ्या संख्येने उपस्थित होते.
कार्यक्रमादरम्यान विद्यार्थ्यांना शैक्षणिक साहित्याचे महत्त्व सांगण्यात आले. शिक्षणाला प्रोत्साहन देण्यासाठी आणि गरजू विद्यार्थ्यांना मदत करण्याच्या उद्देशाने राबविण्यात आलेल्या या उपक्रमाचे उपस्थितांनी कौतुक केले.यावेळी उपस्थित नागरिकांनी खासदार डॉ. श्रीकांत शिंदे यांनी विद्यार्थ्यांसाठी राबविलेल्या या सामाजिक उपक्रमाबद्दल त्यांचे आभार व्यक्त केले. कार्यक्रमाचे सूत्रसंचालन आदेश भा. पाटील यांनी केले.
