उल्हासनगर दि.२२ ( प्रमोद दळवी ) : शहरातील माथाडी आणि विविध क्षेत्रांतील कामगारांच्या हक्क आणि न्यायासाठी कार्यरत असलेल्या राष्ट्रीय कर्मचारी सेना संलग्न ‘जय महाराष्ट्र माथाडी आणि जनरल कामगार सेने’च्या उल्हासनगर शहराध्यक्षपदी ज्ञानेश्वर मरसाळे यांची अधिकृत नियुक्ती करण्यात आली आहे.
महाराष्ट्र राज्य उपमुख्यमंत्री, शिवसेना मुख्य नेते. एकनाथ शिंदे आणि मार्गदर्शक कार्यसम्राट खासदार डॉ श्रीकांत शिंदे यांच्या आदेशाने, शिवसेना उपजिल्हा प्रमुख अरुण अशान, शिवसेना महानगर प्रमुख , राजेंद्र चौधरी यांच्या आशीर्वादाने, कामगार नेते युनियन अध्यक्ष जेरी जे डेविड व उपाध्यक्ष जगन्नाथ जयस्वाल (देशमुख अण्णा) यांच्या हस्ते ज्ञानेश्वर मरसाळे यांना नियुक्ती पत्र देण्यात आले. या प्रसंगी जय महाराष्ट्र माथाडी आणि जनरल कामगार सेनेचे प्रमुख नेते राजेश महाडिक, राजेंद्र सुर्वे, राजेश सपकाळ, संदीप बिन्नर, दिलीप सावंत, गोरख जाधव, विजेंदर चौधरी, सागर पगारे, रोहन जाधव, शंकर मरसाळे आणि रवींद्र सौदागर आदी पदाधिकारी उपस्थित होते.
उल्हासनगर शहरातील माथाडी कामगार, असंघटित कामगार, गारमेंट कामगार, हंगामी व कंत्राटी कामगार, सफाई कर्मचारी आणि नाका कामगार अशा सर्व कामगार घटकांच्या विविध समस्या सोडवण्यासाठी आणि त्यांच्या हक्काच्या लढ्यासाठी आपण कटिबद्ध राहू, असा विश्वास नवनियुक्त शहराध्यक्ष ज्ञानेश्वर मरसाळे यांनी यावेळी व्यक्त केला.
