भुसावळ दि.६ : रोलर रिले फेडरेशन ऑफ महाराष्ट्र आयोजित ४२ व्या राज्य रिले स्केटिंग स्पर्धा विठ्ठल चषक दिनांक ६ जुलै २०२५ ला संभाजीनगर येथे आयोजित करण्यात आली होती. या स्पर्धेमध्ये बारामती, सोलापूर, नागपुर,पुणे,संभाजीनगर, सांगली सह राज्य भरातुन स्केटर यांनी सहभाग घेतला होता. या राज्यस्थरीय स्केटींग स्पर्धेमध्ये ८ वर्ष वयोगटांतील क्वाडस स्केटिंग स्पर्धेमध्ये भुसावळ एन के नारखेडे इंग्लिश मीडियम स्कूलच्या विद्यार्थी व सिल्वर लाईन स्पोर्ट्स एकेडमी चा स्केटर तीर्थराज मंगेश पाटील या विद्यार्थ्याने रिले मॅच मध्ये एक सुवर्णपदक मिळविले व स्पिड रेस मध्ये रजत पदक मिळवून तो विजयी झाला. व आर आर एफ एस आय व संभाजीनगर जिल्हा क्रिडा अधिकारी बाजीराव देसाई यांच्या वतीने आंतरराष्ट्रीय स्केटिंग स्पर्धेमध्ये गोल्ड मेडल मिळवल्याबद्दल ट्राफी देऊन सत्कार करण्यात आला.
तीर्थराज मंगेश पाटील याचे कोच पियुश दाभाडे सर, दिपेश सोनार सर यांचा सुद्धा आर.आर.एफ.एस.आय चे सचिव अंतराष्ट्रीय कोच श्री भिकन अंबे सर यांच्या हस्ते सत्कार करण्यात आला. या राज्यस्तरीय विठ्ठल चषक विजयी झाल्याबद्दल जळगाव चे आमदार राजुमामा भोळे, खासदार स्मिताताई वाघ व भाजपा महिला आघाडी प्रदेश उपाध्यक्ष डॉ केतकीताई पाटील यांनी फोन वरुन अभिनंदन केले. तिर्थराज पाटीलच्या या विजयाने भुसावळ मधिल शिवशक्ती हुडको कॉलनी मध्ये जल्लोष साजरा होत आहे. अतिशय लहान वयात इतकी चांगली कामगिरी करत असल्यामुळे समाजातील सर्व स्तरावरून त्याच्यावरती कौतुकाचा वर्षाव होत आहे.
