अंबरनाथ दि. ४ ( प्रमोद दळवी ) : अंबरनाथ पूर्व येथील शिवगंगानगर परिसरातील पीरमाला सोसायटीत होळीचा सण साजरा होत असताना दुपारी चारच्या सुमारास अचानक दोन कोब्रा सापाची एन्ट्री झाली. हे साप त्या ठिकाणी फिरत असताना एका तरुणाला दिसले. त्यांनी त्वरित सर्पमित्र आकाश गोहिल यांना आमच्या बिल्डिंगमध्ये दोन भले मोठे साप शिरले असून ते लपून बसले आहेत असे सागितले . ही माहिती मिळताच सर्पमित्र आकाश गोयल यांनी परिमाला सोसायटीत धाव घेतली.
त्यावेळी कचऱ्याच्या डब्याखाली दोन विषारी कोब्रा साप लपून बसले होते. अत्यंत विषारी समजले जाणारे हे कोब्रा साप त्या ठिकाणी पाहून होळी खेळणाऱ्यांची चांगलीच तारांबळ उडाली. सर्पमित्र आकाश गोहिल यांनी त्वरित त्या दोन सापांना पकडून जंगलात सोडून दिले. सध्या उन्हाचा तडाका आणि तापमान खूप वाढले असल्यामुळे या नर मांदा कोब्रा सापाची जोडी त्या ठिकाणी आली असावी असे गोहिल यांनी सांगितले. त्यांनी त्या ठिकाणाहून पकडलेले हे दोन कोब्रा जातीचे साप चार ते पाच फूट लांबीचे होते. हे साप अत्यंत विषारी असून या सापांजवळ गेल्याच ते त्वरित दश करतात. त्यामुळे अशा प्रकारचे विषारी साप दिसतात कोणतीही गडबड न करता सर्पमित्र यांना या सापांबाबत त्वरित कळवावे असे सर्पमित्र आकाश गोहिल यांनी सांगितले
