एकमेकाला पेढे भरून तोंड गोड करत शुभेच्छा दिल्या
( प्रमोद दळवी )
उल्हासनगर दि ७ : केंद्र सरकारने पाकिस्तानातील दहशतवाद्यांचे अड्डे उध्वस्त करण्यासाठी राबवलेले ‘सिंदूर ऑपरेशन’ यशस्वीपणे पूर्ण केल्याबद्दल उल्हासनगरातील शिवसेना शहर शाखेचा वतीने खासदार डॉ. श्रीकांत एकनाथ शिंदे यांच्या जनसंपर्क कार्यालय येथे शिवसेना शहरप्रमुख श्री राजेंद्रसिंह भुल्लर (महाराज) यांच्या नेतृत्वाखाली शिवसैनिकांनी नाचत गाजत ढोल वाजवत भारतीय सैन्याचं मनःपूर्वक अभिनंदन केले. तसेच शिवसैनिकांनी एकमेकाला पेढे भरून तोंड गोड करत एकमेकांना शुभेच्छा देत जल्लोष साजरा केला.
कश्मीर येथील पहलगाम परिसरात दहशतवाद्यांनी केलेल्या गोळीबारात अनेक निष्पा भारतीय पर्यटकांचा बळी गेला होता. याचाच बदला घेण्यासाठी भारत सरकारने मंगळवारी रात्री उशिरा पाकिस्तानात घुसून दहशतवाद्यांचे अड्डे उध्वस्त केले.. भारताने बदला घेतल्यामुळे सर्वत्र अभिमानाचे व आनंदाचे वातावरण पसरले आहे. उल्हासनगरात देखील शिवसैनिकांनी जल्लोष साजरा केला. त्यावेळी शिवसैनिकांनी पाकिस्तान मुर्दाबादचे नारे लावत पाकिस्तानचा झेंडा पायाखाली तुडवला. नरेंद्र मोदी व सेंट्रल गव्हर्मेंटनी जे काम केले आहे त्यांची शिवसैनिकांनी तारीफ केली. पंतप्रधान नरेंद्र मोदी यांनी पाकिस्तानाला त्यांचे औकात दाखवली अशी प्रतिक्रिया शिवसैनिकांनी दिली
त्यावेळी शिवसेना कल्याण लोकसभा सचिव तिरुपती रेड्डी, माजी नगरसेवक कलवंत सिंह सोहता, अंकुश म्हस्के, स्वप्नील बागुल,कल्याण युवासेना लोकसभा सचिव हरजिंदरसिंह भुल्लर,युवासेना शहर अधिकारी बाळा श्रीखंडे, सुशील पवार,उत्तर भारतीय शहर संगठक के.डी.तिवारी, सिंधी सेल शहर अध्यक्ष महेंद्र मूलचंदनी, उपशहरप्रमुख सुरेश सोनवणे, जितू उप्पध्याय,युवासेना उपविधानसभा अधिकारी सुरजित पंजाबी,विभागप्रमुख विनोद सालेकर, प्रमोद पांडेय व युवासैनिक आणि नागरिक मोठ्या संख्येने उपस्थित होते. देशाच्या शौर्याचा अभिमान व्यक्त करत सर्वांनी विजयाचा आनंद साजरा केला.
