अंबरनाथ दि ८ : अंबरनाथ शहरामधील वार्डातील भीमनगर परिसरात पाव मार्ग, अंडरग्राउंड ड्रेनेज लाईन्स, गटर बांधकाम, पेव्हर ब्लॉक तसेच सार्वजनिक टॉयलेट व बाथरूमच्या कामांचे भूमिपूजन व पाहणी युवासेना कार्यकारिणी सदस्य निखिल सुनील चौधरी यांच्या हस्ते पार पडली.
या कार्यक्रमावेळी परिसरातील नागरिकांनी मोठ्या संख्येने उपस्थित राहून निखिल चौधरी यांचे मनःपूर्वक स्वागत केले व या विकासकामांबद्दल कृतज्ञता व्यक्त केली.दिवाळीच्या पार्श्वभूमीवर सर्व घरांच्या बाहेरील भागांचे रंगकाम करण्याच्या उपक्रमाचीही सुरुवात चौधरी यांच्या हस्ते करण्यात आला.
यावेळी. निखिल चौधरी यांनी ड्रेनेज लाईन्स, बाथरूम व इतर नागरी सुविधांची प्रत्यक्ष पाहणी करून नागरिकांच्या अडचणी जाणून घेतल्या. ड्रेनेज ब्लॉकेजेच्या समस्येबाबत नगरपालिकेच्या अधिकाऱ्यांशी तत्काळ संपर्क साधून त्वरित साफसफाई करण्याच्या सूचना दिल्या. या विकासकांमामुळे भीमनगर परिसरातील स्वच्छता, सुविधा व सौंदर्यकरणाला नवी दिशा मिळणार असून नागरिकांच्या जीवनात लक्षणीय सुधारणा होईल.
