उल्हासनगर दि. २४ ( प्रमोद दळवी ) : आमदार कुमार आयलानी यांनी शुक्रवारी त्यांच्या जनसंपर्क कार्यालयात मोफत नेत्र तपासणी शिबिर, मोफत चष्मे आणि मोतीबिंदू शस्त्रक्रियेचे आयोजन केले होते. हजारो गरजू नागरिकांनी या मोफत नेत्र तपासणी शिबिराचा लाभ घेतला व त्यांना चष्मे वाटप करण्यात आले . काहींना मोतीबिंदू असल्याचेही आढळून आले असून, त्यांच्यावर मोफत शस्त्रक्रिया केली जाणार आहे .
आमदार कुमार आयलानी यांनी हे नेत्र तपासणी शिबिर साकिब गोरे यांच्या सहकार्याने आयोजित केले होते. माजी महापौर व नगरसेविका मीना आयलानी यांनी उपस्थित राहून नागरिकांनी मदत करत होत्या.. त्यावेळी महिला मोर्चाच्या अध्यक्षा मंगला चांडा, प्रतिक्षा अम्ब्रित,नेहा काकडे आणि महिला मोर्चाच्या इतर महिला पदाधिकारी उपस्थित होत्या. नेत्र तपासणी झाल्यानंतर व मोफत चष्मे मिळाल्यावर नागरिकांनी आमदार कुमार आयलानी यांचे आभार मानले. या शिबिराचा लाभ घेण्यासाठी नागरिकांनी मोठ्या संख्येने गर्दी केली होती. या शिबिराला नागरिकांचा उत्कृष्ट प्रतिसाद मिळाला. नगरसेविका मीना आयलानी यांच्या हस्ते मोफत चष्मे वाटप करण्यात आले.
