अंबरनाथ दि.१६ ( प्रमोद दळवी ) : अंबरनाथ नगरपालिकेत शिवसेना शिंदे गटाचे गटनेता रवींद्र करंजुले यांच्या कार्यालयाचे व नगरसेवक कक्षाचे उद्घाटन नगराध्यक्षा तेजश्री करंजुले, उपनगराध्यक्ष सदाशिव मामा पाटील व इतर नगरसेवकांच्या उपस्थितीत करण्यात आले.
अंबरनाथ नगरपालिकेत गटनेता रवींद्र सर्जेराव करंजुले यांच्या कार्यालयाचे व नगरसेवक कक्षाचा उद्घाटन सोहळा आयोजित करण्यात आला होता. या कार्यालयाचे उद्घाटन अंबरनाथच्या प्रथम नागरिक म्हणून नगराध्यक्षा तेजश्री करंजुले, उपनगराध्यक्ष सदाशिव मामा पाटील व मुख्याधिकारी उमाकांत गायकवाड यांच्या हस्ते करण्यात आले. नगराध्यक्षा तेजश्री करंजुले, उपनगराध्यक्ष सदाशिव मामा पाटील,गटनेता रवींद्र करंजुले, माजी उपनगराध्यक्ष अब्दुलभाई शेख यांचे माजी नगरसेविका रेखा करंजुले यांनी औक्षण केले.
त्यानंतर छत्रपती शिवाजी महाराज व डॉ. बाबासाहेब आंबेडकर यांच्या प्रतिमेस पुष्पहार अर्पण करण्यात आले. रवींद्र करंजुले यांना शिवसेना अंबरनाथ महायुतीच्या सर्व नगरसेवकांनी शुभेच्छा दिल्या. याप्रसंगी नगरसेवक सचिन पाटील, शैलेश भोईर, विकास सोमेश्वर, कुणाल भोईर, संदीप तेलंगे, संदीप भराडे, नगरसेविका पुनम शेलार, रोहिणी भोईर, सुनिता पाटील, किरण कुमार चौबे, माजी नगरसेवक धनंजय सुर्वे ,रवींद्र पाटील, तानाजी पाटील, प्रमोद कुमार चौबे ,पत्रकार सुनील अहिरे यांच्या सह शिवसेना अंबरनाथ महायुतीचे नगरसेवक नगरसेविका पदाधिकारी उपस्थित होते.
