उल्हासनगर दि २७ : उल्हासनगर महानगरपालिका मा.प्रशासक तथा आयुक्त सौ.मनिषा आव्हाळे(भा.प्र.से.) यांच्या मार्गदर्शनाखाली, मा.अति.आयुक्त डॉ.किशोर गवस यांच्या निर्देशान्वये तसेच मा.उपायुक्त डॉ. विजय खेडकर व सहा.आयुक्त अजय साबळे यांच्या उपस्थितीत उल्हासनगर महानगरपालिका कार्यक्षेत्रातील विविध जिल्हा /राज्य/ राष्ट्रीय/आंतरराष्ट्रीय स्तरीय क्रीडा स्पर्धा मध्ये व क्रीडा स्पर्धा मधील प्राविण्य मिळविलेल्या खेळाडूंना प्रमाणपत्र/ ट्रॉफी वाटप करण्याचे कार्यक्रम सिंधू भवन, उल्हासनगर – ३ येथे आयोजित करण्यात आला होता.
उल्हासनगर महापालिका कार्यक्षेत्रातील प्राथमिक माध्यमिक व कनिष्ठ महाविद्यालयीन खेळाडूंच्या ४९ प्रकाराच्या विविध जिल्हास्तरीय / राज्यस्तरीय/ आंतरराष्ट्रीयस्तरावरील क्रीडा स्पर्धेचे २०२४-२५ मध्ये आयोजन करण्यात आले होते. त्या जिल्हास्तरीय/ राज्यस्तरीय/ आंतरराष्ट्रीयस्तरावरील क्रीडा स्पर्धेत प्राविण्य मिळवलेल्या खेळाडूंचा २७ मे २०२५ रोजी सोमवारी प्रमाणपत्र, मेडल, ट्रॉफी व फिरते चषक देऊन गौरवण्यात आले.
उल्हासनगर महापालिकेच्या क्रीडा विभागामार्फत सन २०२४-२५ पासून सर्वात जास्त प्राविण्या मिळविलेल्या शाळा /कॉलेज यांना खेळाडूंना मुलांना जास्तीत जास्त खेळांबाबत प्रोत्साहित करावे या दृष्टिकोनातून उल्हासनगर महापालिका तर्फे १४ वर्षा खालील एस. ई. एस हायस्कूल खेमाणी, १७ वर्षाखालील एस. ई. एस हायस्कूल खेमाणी, तर १९ वर्षाखालील आर. के. टी कॉलेज उल्हासनगर – ३ यांनी उल्हासनगर महापालिका “ फिरते चषक “ मिळवण्याचा मान मिळवला आहे.
सदर कार्यक्रमास विजय खेडकर उपायुक्त (क्रीडा) , अजय साबळे सहाय्यक आयुक्त( क्रीडा) , दिनेश काला प्राचार्य आर. के. टी कॉलेज, सतीश राजगुरू क्रीडा समिती सदस्य, प्रमोद पारसी क्रीडा समिती सदस्य, प्रशांत कुंभार्डे क्रीडा समिती सदस्य, पुष्कर पवार क्रीडा समिती सदस्य, शांताराम चौधरी (क्रीडा अधिकारी), राजेश घनगाव विभाग प्रमुख (दिकयोवि) यांच्या उपस्थितीत सदरचा कार्यक्रम संपन्न झाला.
