उल्हासनगर दि.२६ ( प्रमोद दळवी ) : उल्हासनगर शहरातील भारतीय जनता पार्टी जिल्हा कार्यालयात प्रजासत्ताक दिन मोठ्या उत्साहात आणि देशभक्तीने साजरा करण्यात आला. उपस्थित मान्यवर मंडळींच्या हस्ते ध्वजारोहण करण्यात आले त्यानंतर सर्वांनी राष्ट्रगीत म्हणत भारत माता की जय व देशभक्तीची घोषणा दिली.
याप्रसंगी भाजप जिल्हाध्यक्ष राजेश वधारीया , आमदार कुमार आयलानी, ज्येष्ठ भाजप नेते चंद्रकांत मिश्रा, मनोहर खेमचंदानी, धनंजय बोडारे, विनोद गोवानी यांच्यासह वरिष्ठ पदाधिकारी, कार्यकर्ते आणि नवनिर्वाचित नगरसेवक आणि नगरसेविका मोठ्या संख्येने उपस्थित होते.
त्यावेळी उपस्थित नेत्यांनी संविधानाची मूल्ये, लोकशाहीची ताकद आणि राष्ट्र उभारणीत नागरिकांची भूमिका यावर प्रकाश टाकला. प्रजासत्ताक दिनाच्या सर्वांना शुभेच्छा देत, आमदार कुमार आयलानी, यांनी संघटनेची एकता आणि जनसेवेची वचनबद्धता पुन्हा सांगितली. भाजप जिल्हाध्यक्ष राजेश वधारीया यांनी आपल्या भाषणात सांगितले की, भारतीय जनता पक्ष नेहमीच संविधानाचा आदर करीत राष्ट्रहितासाठी काम करेल.भारत माता की जय आणि देशभक्तीच्या घोषणा देऊन कार्यक्रमाची सांगता झाली.
