शहापूर दि .२ : स्टार्टअप शिक्षा फाउंडेशन, ऑनोरीस, कासाच्या वतीने कॉर्पोरेट मंत्रालय, भारत सरकार यांच्या मंजुरीने दिला जाणारा सन २०२५ सालाचा समाजसेवा बद्दल अतुलनीय काम केलेल्या व्यक्तींना दिला जाणारा मानद डॉक्टरेट पुरस्कार २०२५ सौ आरती रविंद्र भोईर यांना जाहिर झाला आहे, सौ. भोईर ह्या शहापूर तालुक्यातील वासिंद शहराच्या रहिवासी आहेत.३१ डिसेंबर २०२५ रोजी पुरस्कार जाहीर झाल्याची घोषणा करण्यात आली आहे.
आरती भोईर ह्या मागील पंधरा वर्षांपासून समाजसेवा करीत आहेत. महिला वर्गाला आणि विधवा महिलाना शासनाच्या वतीने विविध योजनांचा लाभ मिळवून देत आहेत. महिलाना बचत गटाच्या माध्यमातून रोजगार उपलब्ध करून देण्यासाठी नेहमी अग्रेसर असतात. त्या स्वतः रेल्वेच्या वन स्टेशन , वन प्रॉडक्ट या माध्यमातून बचत गटाच्या महिलांना रोजगार करण्यासाठी जागा उपलब्ध करून देत आहेत. त्यांच्या समाजसेवेची दखल घेऊन विविध संस्थानी त्यांना सन्मानित केले आहे. मागील २०२३ /२०२४ या वर्षाचा पुण्य श्र्लोक अहिल्याबाई होळकर पुरस्कार देऊन वाशिंद ग्रामपंचायतीने आरती भोईर यांना सन्मानित केले आहे. महिला प्रवाशांना भेडसावणाऱ्या समस्या कल्याण कसारा कर्जत रेल्वे प्रवासी संघटनेच्या माध्यमातून सोडविण्यासाठी त्या नेहमी अग्रेसर असतात. तसेच महाराष्ट्र राज्य कास्ट्राइब कल्याण महासंघाच्या ठाणे जिल्ह्याच्या महिला जिल्हाध्यक्ष म्हणून कार्यरत असून त्यांनी शासकीय, निमशासकीय अधिकारी आणि कर्मचारी यांच्या अनेक समस्या सोडविल्या आहेत.
सौ. भोईर यांना मानद डॉक्टरेट पदवी मिळाल्याने कल्याण कसारा कर्जत रेल्वे प्रवासी संघटनेच्या वतीने आणि महाराष्ट्र राज्य कास्ट्राइब कल्याण महासंघाच्या वतीने अभिनंदन करून आनंद व्यक्त केला आहे. मला डॉक्टरेट पदवी मिळाल्याने जनतेची सेवा अधिक जोमाने करण्याची संधी मिळाली आहे, मी स्टार्टअप शिक्षा फाउंडेशन ऑनोरीस कासा, भारत सरकार यांचे आभार व्यक्त करते. तसेच मला नेहमी सहकार्य करणारी कल्याण कसारा कर्जत रेल्वे प्रवासी संघटनेच्या आणि महाराष्ट्र राज्य कास्ट्राइब कल्याण महासंघाच्या सर्व पदाधिकाऱ्यांचे आभार व्यक्त करते .
