मुंबई दि.२८ : – बारामती येथे भीषण विमान अपघातात राज्याचे उपमुख्यमंत्री अजित पवार यांचे निधन झाले. उपमुख्यमंत्री अजित पवारांनशोबत विमानात प्रवास करणाऱ्यांमध्ये पिंकी माळी या तरुणीचाही समावेश होता. या अपघातात अजित पवारांसह अन्य ५ जणांचा मृत्यू झाला. त्यातील महिला फ्लाईट अटेन्डेंट पिंकी माळी हिचेही निधन झाले आहे. पिंकी माळी अजित पवारांसह चौथ्यांदा विमान प्रवास करत होती. मात्र २८ जानेवारीची सकाळ तिच्या आयुष्यातील अखेरची ठरली.
पिंकी माळी २९ वर्षाची होती. ती वरळीतील सेन्चुरी मिलजवळील क्वार्टरमध्ये राहत होती. पिंकीच्या निधनानंतर तिच्या घरच्यांवर दु:खाचा डोंगर कोसळला. तिचे वडील शिवकुमार माली म्हणाले की, पिंकी खूप आनंदी होती. फ्लाईटमध्ये गेल्यानंतर अजित पवारांशी तुमचं बोलणं करून देईन असं तिने म्हटलं होते. सकाळी तिने भावाला कॉल केला होता. त्यावेळी ती दौऱ्यावर जात होती. मात्र त्यानंतर तिच्याशी कुठलाही संपर्क झाला नाही असं तिच्या घरच्यांनी सांगितले तर पिंकी मालीसोबत अखेरच्या संवादात ती बारामतीहून नांदेडला जाणार होती असं कुटुंबाला सांगितले. पिंकी माळी अजित पवारांसोबत दौरा करताना खूप आनंदी होती. मात्र पिंकीचा हा आनंद आता तिच्या कुटुंबापासून हिरावून घेतला आहे. या विमान अपघातानंतर तिचे घरचे आणि नातेवाईकांवर मोठा आघात झाला. पिंकी मागील ८ वर्षापासून एअर हॉस्टेस म्हणून काम करत होती.
