उल्हासनगर दि.११ : ठाणे पोलीस आयुक्तालय अंतर्गत विठ्ठलवाडी पोलीस स्टेशन उल्हासनगर-४ यांच्या वतीने मा.सचिन गोरे पोलीस उपायुक्त परिमंडळ-४ व मा.अमोल कोळी सहाय्यक पोलीस आयुक्त उल्हासनगर विभाग यांच्या मार्गदर्शनाखाली गणेशोत्सव स्पर्धा २०२४ घेण्यात आली होती. सर्व नियमांचे पालन करून सामाजिक बांधिलकी जपत शांतता, सुव्यवस्था व शिस्तबद्धता पाळणाऱ्या तीन विजेत्या गणेशोत्सव मंडळांना विठ्ठलवाडी पोलीस स्टेशनचे वरिष्ठ पोलीस निरीक्षक मा.अनिल पडवड यांच्या शुभहस्ते तसेच पोलीस सब इन्स्पेक्टर हर्षल कुलकर्णी, मंगेश नवाडे व यशवंत जाधव, प्रा.डॉ.प्रकाश माळी,प्रकाश(आण्णा)देशमुख,यांच्या उपस्थितीत प्रशस्तीपत्र प्रदान करण्यात आले.
सदर स्पर्धेत प्रथम क्रमांक: तरुण मित्र मंडळ,कृष्णानगर,द्वितीय क्रमांक: हनुमान व्यवस्थापक मंडळ,कुर्ला कॅम्प.तृतीय क्रमांक: शिवनेरी मित्र मंडळ,गणपत नगर.यांना देण्यात आल. या गणेशोत्सव स्पर्धेसाठी प्रा.डॉ.प्रकाश माळी, श्री.प्रकाश(आण्णा)देशमुख, श्री.रोहिदास भोईर व श्री.विनोद भोईर यांनी परीक्षक म्हणून काम पाहिले. यावेळी मान्यवर परीक्षकांना देखील प्रशस्तीपत्र देऊन सन्मानित करण्यात आले.
