- उल्हासनगर शहरातील अनेक चौका-चौकांमध्ये लाडू वाटून लाडक्या नेत्याचा वाढदिवस साजरा…
- राज-उद्धव यांनी एकत्र यावे या वाढदिवसाच्या निमित्ताने जनसामान्यांकडून सदिच्छा…
उल्हासनगर दि १४ : महाराष्ट्राचा बुलंद आवाज राज साहेब ठाकरे यांचा ५७वा वाढदिवस महाराष्ट्र सैनिकांकडून संपूर्ण महाराष्ट्रभर मोठ्या जल्लोषात साजरा करण्यात येतोय.त्याच अनुषंगाने उल्हासनगर मनसे तर्फे आपल्या लाडक्या नेत्याच्या वाढदिवसाच्या निमित्ताने अनेक लोकपयोगी कार्यक्रमांचे आयोजन करण्यात आले होते. मनसेचे विभाग अध्यक्ष कैलास घोरपडे यांच्या प्रभागात आरोग्य शिबिराचे आयोजन करण्यात आले. महाराष्ट्र नवनिर्माण वाहतूक सेनेचे शहर अध्यक्ष काळु थोरात आणि त्यांच्या सहकाऱ्यांकडून शहाड स्टेशन परिसर, डी-मार्ट चौक, १ नंबर बस स्थानक परिसर तसेच शहरातील चौका-चौकांमध्ये लाडू वाटप करून आपल्या लाडक्या नेत्याचा वाढदिवस मोठ्या आनंदात आणि जल्लोषात साजरा करण्यात आला.
राज साहेब-उद्धव साहेब यांनी एकत्र यावे आणि मराठी जणांचे,महाराष्ट्राचे नेतृत्व करावे अश्या भावना यावेळी लोकांनी बोलून दाखवल्या तसेच ठाकरे बंधूंनी एकत्र येऊन अराजकतेकडे चाललेला आपला पूरोगामी महाराष्ट्र पूर्वपदावर आणावा या वाढदिवसाच्या सदिच्छा दिल्या.यावेळी मनसेचे महानगर संघटक मैनुद्दीन शेख, वाहतूक सेनेचे शहर संघटक काळु थोरात, विभाग अध्यक्ष कैलास घोरपडे, कैलास वाघ, उप-विभाग अध्यक्ष गोरख उदार, शाखा अध्यक्ष दीपेश धारिवाल, जगदीश माने, रोहित सिंग, संतोष शर्मा, अमित मिश्रा तसेच महाराष्ट्र सैनिक उपस्थित होते.
