उल्हासनगर दि. २३ ( प्रमोद दळवी ) : विठ्ठलवाडी पोलीस ठाण्याच्या हद्दीतील कॅम्प क्रमांक ४ परिसरात सतरामदास रुग्णालया जवळील एका गल्लीत सुमारे ४० वर्षीय अनोळखी इसम बेशुद्धावस्थेत पडलेला आढळून आला. स्थानिक नागरिकांनी याबाबत माहिती दिल्यानंतर विठ्ठलवाडी पोलिसांनी तातडीने घटनास्थळी धाव घेत संबंधित इसमाला उपचारासाठी उल्हासनगर येथील मध्यवर्ती रुग्णालयात दाखल केले. मात्र, वैद्यकीय अधिकाऱ्यांनी तपासणी केल्यानंतर त्याला मृत घोषित केले.
प्राथमिक तपासानुसार, संबंधित अनोळखी इसमाचा मृत्यू कोणत्यातरी शारीरिक आजारामुळे झाल्याचा प्राथमिक अंदाज व्यक्त करण्यात आला आहे. या प्रकरणी विठ्ठलवाडी पोलीस ठाण्यात अकस्मात मृत्यूची नोंद करण्यात आली असून पुढील तपास सुरू आहे. दरम्यान, मृत इसमाची अद्याप ओळख पटलेली नाही. त्यामुळे त्याच्या नातेवाईकांचा शोध घेण्याचे काम विठ्ठलवाडी पोलीस करत आहेत. मृत इसमाबाबत कोणाला काही माहिती असल्यास त्यांनी विठ्ठलवाडी पोलीस ठाण्याशी ०२५१-२५८२००९ किंवा ९८२३९३०९३८ या क्रमांकावर संपर्क साधावा, असे आवाहन तपासी अंमलदार तथा पोलीस उपनिरीक्षक अरुण दुबळे यांनी केले आहे. पोलिसांनी नागरिकांना आवाहन केले आहे की, संबंधित इसमाची ओळख किंवा त्याच्या नातेवाईकांबाबत कोणतीही माहिती असल्यास ती तातडीने पोलिसांना कळवावी असे आवाहन करण्यात आले आहे
