शहाड दि.५ : ४ मे रोजी उमाई घाट, मोहना बंधारा, शहाड उल्हासनगर- १ येथे उल्हास नदी किनारी पूर बचाव प्रशिक्षण शिबिराचा यशस्वी समारोप झाला.
उमाई रक्षक दल व उल्हास नदी बचाओ कृति समिती तर्फे आयोजित १ मे पासुन सुरु असलेल्या या शिबिरात चार दिवसांमध्ये विविध गावांतील स्वयंसेवकांनी भाग घेतला आणि आपत्ती व्यवस्थापन, प्राथमिक बचाव तंत्र, व जीवनरक्षक साहित्य वापराचे प्रत्यक्ष प्रशिक्षण घेतले.आजच्या विशेष सत्रात सिविल डिफेंस विभागाच्या तज्ज्ञ अधिकाऱ्यांनी घरामध्ये सहज उपलब्ध वस्तूंपासून पाण्याच्या बाटल्या, झोळ्या, कळशी, थाईमोकॉल, टुब, लाकडी काठी इ. पाण्यावर तरंगण्याची व बचाव साधने तयार करण्याची अद्वितीय तंत्रे शिकवली. हे प्रशिक्षण प्रत्येक सहभागीला आपत्कालीन परिस्थितीत स्वतःला आणि इतरांना वाचवण्यासाठी अतिशय उपयुक्त ठरले.
सदर उपक्रमास नागरी संरक्षण दल तर्फे उप नियंत्रक श्री विजय जाधव यांच्या मार्गदर्शनानुसार श्री बिमल वसंत नाथवाणी, उप मुख्य क्षेत्ररक्षक व मानसेवी निदेशक, श्री कमलेश ह श्रीवास्तव, उप मुख्य क्षेत्ररक्षक, डॉ. प्रकाश कां ठमके, मानसेवी निदेशक, श्री रामबरण दयाराम यादव, विभागीय क्षेत्ररक्षक व मानसेवी निदेशक, सौ. शकुंतला बी. राय, विभागीय क्षेत्ररक्षक, कु. वृषाली किसन वाढवे स्वयंसेवक, श्री बाळु बा फुलारे, स्वयंसेवक व श्री कृष्णा विलास मानकर स्वयंसेवक यानी पुरापासून बचावा चे बच्चे कम्पनी व उपस्थित शिबिरार्थीयाना प्रशिक्षण दिले.
