अंबरनाथ दि १६ : आंतरराष्ट्रीय स्तरावर दहशतवादविरोधी मोहिमेचा एक भाग म्हणून व्हिजन मॅन खासदार डॉ. श्रीकांत शिंदे यांनी युएई, लायबेरिया, काँगो प्रजासत्ताक आणि सिएरा लिओन येथे भेटी दिल्या. या दौऱ्यात त्यांनी भारताची दहशतवादविरोधातील ठाम भूमिका प्रभावीपणे मांडत ‘ऑपरेशन सिंदूर’ बाबत सविस्तर माहिती दिली.
“दहशतवाद ही केवळ एका देशाची नव्हे, तर संपूर्ण मानवजातीची समस्या आहे. त्यामुळे सर्व देशांनी एकत्र येऊन या संकटाचा सामना केला पाहिजे,” असा स्पष्ट संदेश त्यांनी जागतिक व्यासपीठावरून दिला.
जागतिक स्तरावर ‘ऑपरेशन सिंदूर’ संदर्भात भारताची ठाम भूमिका मांडून परतलेल्या खासदार डॉ. श्रीकांत शिंदे यांची मुक्तागिरी बंगल्यावर अंबरनाथचे माजी नगराध्यक्ष श्री.सुनील चौधरी यांनी सदिच्छा भेट घेऊन मन:पूर्वक स्वागत व अभिनंदन केले.हे केवळ भेट नव्हती, तर एक अशा नेतृत्वाला दिलेला सलाम होता, ज्यांनी भारताचा आवाज सातासमुद्रापार पोहोचवला असे मत अंबरनाथचे माजी नगराध्यक्ष श्री.सुनील चौधरी यांनी व्यक्त केले.
