अंबरनाथ दि.२७ ( प्रमोद दळवी ) : अंबरनाथ मध्ये मंगळवारी सकाळी ११.३० वा उसाटणे येथे गॅस अथॉरिटी ऑफ इंडिया लिमिटे मुंबई यांचे व्दारे मॉक ड्रिलचे सराव शिबिर आयोजीत करण्यात आले होते. सदर सराव शिबिरात गेल कंपनीची उरण, तकोना, उसाटणे या भागातून जमिनीखालून गेलेल्या गॅस लाईनच्या अनुषंगाने कोणत्याही प्रकारची आपत्ती निर्माण झाल्यास काय उपापयोजना करावी. सर्व शासकिय यंत्रणा यांची भुमिका आपत्ती वेळी काय असेल तसेच ज्या भागातून सदर गॅस लाईन गेलेली आहे त्या भागात कोणत्याही प्रकारचे खोदकाम करतांना काय खबरदारी घ्यावी. सदर लाईनपासून ३० मी पर्यत. कोणतेही खोल बांधकाम किंवा मोठे झाडे लावू नये इ. अनेक बाबीबाबत गेल कंपनीचे फायर अॅण्ड सेफ्टी मॅनेजर दिनेश मेंहुलकर, मयंक देव, फायर अॅण्ड सेफ्टी चीफ मॅनेजर, मुकेश तलखंडे सेफ्टी चीफ मॅनेजर, यांनी सदर बाबतील सर्विस्तर माहिती उपस्थितांना दिली.
तसेच जमिनीखालून गेलेल्या गॅस लाईनच्या सुरक्षेतेबाबत कंपनीव्दारे एक पथ नाटयाचे आयोजन करून जनजागृती करणायत आली . गेल कंपनी व्दारे आयोजित या मॉकड्रिल सराव शिबिरात अंबरनाथ अग्निशमन प्रमुख भागवत सोनोने यांना मुख्य नियंत्रण म्हणून आमंत्रीत करण्यात आले होते. या सराव शिबिरात अंबरनाथ अग्निशमन दल, गेल कंपनी अग्निशमन दल, एन डि आर एफ, अॅम्बुलन्स, टिम तैनात होत्या. पाईप लाईन मधून गॅस लिकेज झाल्यास किंवा आग लागल्यास क्से नियंत्रण मिळवावे याबाबत वरील सर्व टिम ने आपापल्या जबाबदाऱ्या अतिशय उत्कुष्ठपार पाडल्या. मॉक ड्रिलच्या या सराव शिबिराला चांगला प्रतिसाद मिळाला.
