उल्हासनगर दि २० ( प्रमोद दळवी ): संसदरत्न खासदार डॉ. श्रीकांत एकनाथ शिंदे यांच्या विशेष निधीतून स्थानिक नगरसेविका तथा आरोग्य सभापती सौ. सविता तोरणे रगडे यांच्या मागणीनुसार वडोलगावातील रस्त्यांच्या विकासकामांसाठी २ कोटींचा निधी मंजूर करण्यात आला होता. या निधीतून होणाऱ्या विकासकामांचे भूमिपूजन उत्साहात पार पडले.
या प्रसंगी शहराच्या प्रथम नागरिक महापौर अश्विनी कमलेश निकम, माजी आमदार पप्पू कालानी, महानगर प्रमुख राजेंद्र चौधरी, ज्येष्ठ नगरसेवक महेश सुखरमानी, आरोग्य सभापती सौ. सविता तोरणे रगडे, ज्येष्ठ नगरसेवक टोनी शिरवाणी, नगरसेवक कैलास म्हात्रे , शिवाजी रगडे, शरद म्हात्रे, शालनीताई गायकवाड, रविंद्र केने, जमील खान डॉन, नरेंद्र करोतिया,दशरथ चौधरी, रामेश्वर गवई, गजानन म्हात्रे, प्रकाश म्हात्रे, प्रल्हाद जादव, शंकर जादव, दुर्गेश पांडे, तोसीफ शेख, अमोल सरदार, विनोद म्हात्रे, सागर म्हात्रे, सचिन म्हात्रे, विष्णु म्हात्रे तसेच तमाम गावकरी मोठ्या संख्येने उपस्थित होते. यांच्या हस्ते भूमिपूजन पार पडले.
पॅनल क्रमांक १२ च्या सर्वांगीण विकासासाठी आम्ही कटिबद्ध असून खासदार आणि शासनाच्या वतीने निधीची कोणतीही कमतरता भासू दिली जाणार नाही, असा शब्द खासदार डॉ. श्रीकांत शिंदे यांनी नगरसेविका सौ. सविता तोरणे रगडे यांना दिला होता त्यानुसारच वडोलगावच्या विकासासाठी २ कोटींचा निधी मंजूर करण्यात आला असे व्यक्तव्य शिवाजी रगडे यांनी केले
