उल्हासनगर दि १४ ( प्रमोद दळवी ) : तहसीलदार कार्यालय उल्हासनगर यांचे मार्फत छत्रपती शिवाजी महाराज महाराजस्व समाधान शिबिर अभियान अंतर्गत विविध दाखले वाटप शिबिर शनिवारी उल्हासनगर उपविभागीय कार्यालयात आयोजित करण्यात आले होते. आमदार कुमार आयलानी यांनी या शिबिराला उपस्थित राहून काही लाभार्थ्यांना दाखले वाटप केले
या ठिकाणी उत्पन्न दाखला, अदिवास व राष्ट्रीयत्व दाखला, रहिवासी दाखला, ज्येष्ठ नागरिक दाखला, जातीचे दाखले, जन्म मृत्यू नोंदणी प्रमाणपत्र, नवीन मतदार नोंदणी, निवडणूक ओळखपत्र, दिव्यांग कल्याणकारी योजना, संजय गांधी योजना, लेक लाडकी योजना, आधार कार्ड नोंदणी व दुरुस्ती प्रमाणपत्र आयुष्यमान भारतकार्ड, नवीन रेशनकार्ड, नवीन विद्युत जोडणी, मातृ वंदन योजना अशा विविध दाखल्यांचे शिबिर आयोजित करण्यात आले होते. लाभार्थ्यांना हे दाखले त्वरित वितरण करण्यात आले. आमदार कुमार आयलानी यांच्या हस्ते लाभार्थ्यांना हे दाखले वाटप करण्यात आले.
या शिबिरात उपविभागीय अधिकारी विजयानंद शर्मा, तहसीलदार कल्याणी कदम, नगर भूमापन अधिकारी अधिकारी राजेंद्र लोढे आणि स्वीय सहाय्यक उमेश सोनार यांच्यासह मान्यवर उपस्थित होते. या शिबिराला नागरिकांचा उत्कृष्ट प्रतिसाद मिळाला.
