- भारतरत्न डॉ. बाबासाहेब आंबेडकर शैक्षणिक अभ्यासकेंद्रात महापालिकेचे कोणतही कार्यालय स्थलांतरित करू नये.- मनसे
उल्हासनगर दि . २४ ( प्रमोद दळवी ) : भारतरत्न डॉक्टर बाबासाहेब आंबेडकर शैक्षणिक अभ्यास केंद्रात महापालिकेचे कोणत्याही कार्यालय स्थलांतरित करू नये यासाठी तसेच महापालिकेत असलेल्या कार्यालय तात्काळ स्थलांतरित करून विद्यार्थ्यांना यूपीएससी ,एमपीएससी व स्पर्धा परीक्षाची सर्व पुस्तके उपलब्ध करून द्यावीत, यूपीएससी, एमपीएससी क्लासेसच्या माध्यमातून या अभ्यासिकेत अभ्यासासाठी येणाऱ्या गरीब विद्यार्थ्यांसाठी मार्गदर्शन शिबिर उपलब्ध करून द्यावा, पिण्याचे स्वच्छ पाणी तसेच इतर गोरगरीब मुलांसाठी एम.एस.सी, आय.टी.सी.सी कोर्सेस मोफत उपलब्ध करून द्यावे यासाठी मंगळवारी महाराष्ट्र नवनिर्माण सेना व महाराष्ट्र नवनिर्माण विद्यार्थी सेनेच्या वतीने अभ्यासिकेत विद्यार्थ्यांसह रस्त्यावर अभ्यास करून प्रशासनाचा निषेध नोंदवण्यात आला.
यावेळी प्रशासनाच्या वतीने अजय साबळे, सहाय्यक आयुक्त उमप गणेश शिंपी, यशवंत सगळे यांनी मनसे पदाधिकारी व विद्यार्थी यांच्याशी संवाद साधून यापुढे या अभ्यासिकेत शैक्षणिक विषयाव्यतिरिक्त कोणतेही कार्यालय असणार नाही असं आश्वासन दिल व आंदोलन मागे घेण्याची विनंती केली . यावेळी जिल्हाध्यक्ष बंडू देशमुख, विद्यार्थी सेनेचे जिल्हाध्यक्ष धनंजय गुरव, उपशहर अध्यक्ष मुकेश शेठपलानी, विभागाध्यक्ष अमोल पाटील, अक्षय धोत्रे, कैलास घोरपडे, विकी जिप्सन, नटवर वसिटा, प्रशांत संगाळे, सचिन शिरसाठ यांच्यासह इतर पदाधिकारी कार्यकर्ते व विद्यार्थी उपस्थित होते.
