अंबरनाथ दि. ११ ( प्रमोद दळवी ) : राज्याच्या उपमुख्यमंत्री श्रीमती सुनेत्राताई अजित पवार या मुरबाड येथे राष्ट्रवादी काँग्रेस पार्टी ठाणे जिल्हा व प्रियजन गुणगौरव समिती यांच्या आयोजित कार्यक्रमासाठी जात असताना अंबरनाथ शहरात त्यांचे राष्ट्रवादी काँग्रेस पक्षाच्या वतीने जोरदार स्वागत करण्यात आले.
राष्ट्रवादी काँग्रेस पक्षाचे अंबरनाथ शहराध्यक्ष तथा अंबरनाथ नगरपरिषदेचे उपनगराध्यक्ष सदाशिव (मामा) पाटील यांच्या नेतृत्वाखाली आयोजित स्वागत समारंभात उपमुख्यमंत्री सुनेत्राताई अजित पवार यांना शाल, पुष्पगुच्छ देऊन स्वागत करण्यात आले. यावेळी उपस्थित कार्यकर्त्यांनी घोषणाबाजी करत त्यांचे जल्लोषात स्वागत केले. या स्वागतामुळे परिसरात उत्साहाचे वातावरण निर्माण झाले होते.
यावेळी राष्ट्रवादी काँग्रेस पक्षाचे अंबरनाथ शहराध्यक्ष तथा अंबरनाथ नगरपरिषदेचे उपनगराध्यक्ष सदाशिव (मामा) पाटील, जिल्हाध्यक्ष किसनराव तारमळे, नगरसेवक सचिन पाटील, नगरसेविका सुनीता पाटील, समाजसेवक तानाजी पाटील, राजू सूर्यवंशी, प्रमोद बोराडे, जितू पाटील, सिद्धूधन कालिबाग, विकास पारटे, रुपेश विपुल पाटील, जगन पाटील, गौतमी सूर्यवंशी, रंजना सूर्यवंशी यांच्यासह राष्ट्रवादी काँग्रेस पक्षाचे अनेक पदाधिकारी, कार्यकर्ते आणि नागरिक मोठ्या संख्येने उपस्थित होते.
