अंबरनाथ दि.४ ( प्रमोद दळवी ) : अंबरनाथ मधील स्टेशन परिसरात असणाऱ्या शिवशंकर या ड्रायफ्रूटच्या दुकानाला रात्री एकच्या सुमारास अचानक भीषण आग लागली. ही आग दुकानाच्या पहिल्या मजल्यावर लागल्याने सर्वत्र भीतीचे वातावरण निर्माण झाले होते.
रात्री एकच्या सुमारास ही आग लागल्यामुळे अंबरनाथ अग्निशमन दल यांना ही माहिती मिळताच अंबरनाथ अग्निशामन प्रमुख भागवत सोनोने यांच्या मार्गदर्शनाखाली फायरमॅन जाधव, भूषण पाटील व ड्रायव्हर गायकर आदींनी आग लागलेल्या ठिकाणी धाव घेतली. ही आग दुकानाच्या पहिल्या मजल्यावर लागल्यामुळे अग्निशमन दलाच्या जवानांनी शिडी लावून वरच्या मजल्यावर प्रवेश करून अथांग प्रयत्नाने ती आग काही वेळातच आटोक्यात आणली. लागलेल्या आगे मध्ये दुकानातील काही सामान जळून खाक झाले असून दुकानदाराचे काही प्प्रमाणात नुकसान झाले आहे. या आगीमुळे परिसरात भीतीचे वातावरण निर्माण झाले होते. पण अग्निशमन दलाच्या कर्मचाऱ्यांनी वेळेत ही आग विजवल्याने नागरिकांच्या मनातली भीती दूर झाली. दुकानांमधील शॉर्टसर्किटमुळे ही आग लागली होती अशी माहिती अंबरनाथ अग्निशमन प्रमुख भागवत सोनोने यांनी दिली
