उल्हासनगर दि १ ( प्रमोद दळवी ) : निवडणूक नोंदणी, सदस्य नोंदणी व पक्षाचे BLA नेमणुका यासाठी सोमवारी पॅनल क्रमांक १,२,३, ची मीटिंग आयोजित करण्यात आली होती. या बैठकीत शिवसेना महानगरप्रमुख. राजेंद्र चौधरी यांनी SIR व वोट मॅपिंग संदर्भात मार्गदर्शन करीत महत्त्वाच्या सूचना दिल्या व सर्व पदाधिकारी यांना लवकरात लवकर कामाला लागण्याचे आदेश दिले.
SIR व वोट मॅपिंग संदर्भात • मतदार नोंदणीचे काम गतीने पूर्ण करणे • नवीन मतदारांची नावे तात्काळ नोंदवणे • चुकीची / डुप्लिकेट नावे तपासून दुरुस्ती करणे • प्रत्येक बूथवर BLA नेमणूक लवकर पूर्ण करणे • वोट मॅपिंग करून प्रत्येक घरातील मतदारांची अचूक माहिती तयार करणे • बूथनिहाय मतदारांची यादी मजबूत व अपडेट ठेवणे • सदस्य नोंदणी मोहीम अधिक प्रभावीपणे राबवणे • प्रत्येक पदाधिकाऱ्याने आपल्या प्रभागात जबाबदारीने काम करणे आशा काही सूचना शिवसेना महानगरप्रमुख राजेंद्र चौधरी यांनी दिल्या.
या वेळी शिवसेना उपजिल्हाप्रमुख दिलीप गायकवाड, कल्याण युवासेना लोकसभा सचिव हरजिंदरसिंह भुल्लर, उत्तर भारतीय शहर संगठक के.डी.तिवारी, शिवसेना उपशहर प्रमुख सुरेश सोनवणे, जितू उप्पाध्याय, विभागप्रमुख विनोद साळेकर, प्रमोद पांडेय, विभाग संघटक. आदेश पाटील तसेच सर्व उपविभागप्रमुख,शाखाप्रमुख, पदाधिकारी, महिला आघाडी व युवासेना शाखाधिकारी उपस्थित होते. आगामी निवडणुकांच्या पार्श्वभूमीवर संघटन मजबूत करण्यासाठी बैठक अत्यंत महत्त्वपूर्ण ठरली
