अंबरनाथ दि. १ ( प्रमोद दळवी ) : मंगळवारी सायंकाळपासून पडत असणाऱ्या मुसळधार पावसामुळे अंबरनाथ शहरात ठिकठिकाणी जवळपास १२ झाडे कोसळल्याची घटना घडली आहे. अंबरनाथ अग्निशमन दलाच्या कर्मचाऱ्यांनी दिवसभर तारेवरची कसरत करत ठीक ठिकाणी पडलेली ही झाडे बाजूला करून रस्ते मोकळे केले.
मुसळधार पावसाने हजेरी लावली असून अंबरनाथ शहरात धोकादायक स्थितीत असणारी झाडे या मुसळधार पावसात कोसळले आहेत. कोसळलेल्या झाडांमुळे कोणतीही जीवितहानी झाली नसली तरी वाहतूक ठप्प झाली होती. तर एके ठिकाणी विद्युत वाहिनीवर भले मोठे झाड कोसळल्याने विद्युत तारा देखील निखळून पडल्या होत्या. त्या परिसरातील विद्युत पुरवठा ही खंडित झाला होता. अंबरनाथ अग्निशामन प्रमुख भागवत सोनोने व त्यांच्या टीमने बुधवारी सकाळपासून जवळपास १२ ठिकाणी कोसळलेली झाडे पूर्ण तोडून वाहतुकीसाठी रस्ता मोकळा केला.
अंबरनाथ येथील फॉरेस्ट नाका परिसरात, आनंद नगर टी सर्कल जवळ, नवरे नगर परिसरातील गणपती मंदिराजवळ, हुतात्मा चौक पद्मावती कॉम्प्लेक्स जवळ, शिवलिकनगर गॅस गोडाऊन जवळ, मलागिरी सोसायटी बिल्डिंग नंबर २६,२७ जवळ, लादीनाका मंदाकिनी शाळेजवळ, न्यू बालाजी नगर परिसरात, ग्रीन सिटी रोड मोतीराम प्राईड जवळ, गायकवाड पाडा परिसरात, अशा जवळपास १२ ठिकाणी दिवसभर पडत असणाऱ्या मुसळधार पावसात झाडे कोसळली होती. पडत असणाऱ्या मुसळधार पावसात अंबरनाथ अग्निशमन दलाच्या कर्मचाऱ्यांनी तारेवरची कसरत करत झाडे बाजूला करून वाहतुकीचा मार्ग मोकळा केला. मुसळधार पाऊस सुरू असल्यास धोकादायक झाडाजवळ नागरिकांनी उभे राहू नये. सुरक्षित ठिकाणी नागरिकांनी आसरा घ्यावा, असे आव्हान अग्निशमन प्रमुख भागवत सोनोने यांनी केले आहे.
तसेच बुधवारी दिवसभर अंबरनाथ शहरात सूरू असलेल्या पावसाचा जोर पाहता मुख्याधिकारी उमाकांत गायकवाड, नगराध्यक्षा तेजश्री करंजुले नगरसेवक अभिजित कारंजुले, नगरसेविका रोहिणी भोईर आणि इतर नपा अधिकारी सह संपूर्ण शहरातील परिस्थितीचा आढावा घेतला. विशेष म्हणजे मुख्याधकारी यांनी अग्निशमन च्या Quick रिस्पॉन्स वेहिकल मध्ये जाऊन संपूर्ण पडलेल्या झाडांचा तसेच वॉटर लोगिंगचा आढावा घेतला,
