मुरबाड दि.२२ : मुरबाड शिरगाव तसेच मुरबाड पवाळे, बोरगाव रस्त्यावर खड्डेच खड्डे झाले असुन या दोन्ही रस्त्यांची अत्यंत दुर्दशा झाली आहे. वैशिष्ट्य म्हणजे दररोजच्या दैनंदिन कामासाठी मुरबाड ला जाण्यासाठी या दोन्ही रस्त्या वरुन मोठ्या प्रमाणात वाहनांची वर्दळ असते मात्र संबंधित रस्त्याची खड्यान मुळे चाळण झाली असल्याने दुचाकीस्वारांना प्रवास करताना फार मोठा धोका पत्करावा लागत आहे.धक्कादायक बाब म्हणजे दोन दिवसा पूर्वी संबंधित रस्त्यावरुन प्रवास करणाऱ्या दोन दुचाकीस्वारांचा अपघात झाल्याची घटना घडली होती. त्या जखमी दुचाकीस्वारांना एस.एम.बीटी तेथे उपचारासाठी दाखल करण्यात आले असल्याची माहिती कॉग्रेस पक्षाचे ज्येष्ठ नेते तुकाराम ठाकरे यांनी दिली.
पावसाळ्याच्या सुरुवातीला रस्त्यांची अशी दुर्दशा झाली असल्याने वहान धारकांना वहाने चालवताना तारेवरची कसरत करावी लागते आहे म्हणून संबंधित रस्त्याची तात्काळ युद्ध पातळीवर सात दिवसांच्या आत दुरुस्ती करण्यात यावी अन्यथा तीव्र आंदोलन छेडण्यात येईल असा इशारा चेतन सिंह पवार यांनी सार्वजनिक बांधकाम विभाग व जिल्हा परिषद बांधकाम विभाग उप अभियंता मुरबाड यांना लेखी निवेदन माध्यमातून दिला आहे . यावेळी त्यांच्या समवेत जेष्ठ नेते तुकाराम ठाकरे, कॉग्रेस पक्षाचे युवा तालुकाध्यक्ष धनाजी बांगर, उपाध्यक्ष तानाजी लाटे, सरचिटणीस अमोल चौधरी, तालुका युवक उपाध्यक्ष अमोल चोरघे, उपविभाग प्रमुख अरूण डोहळे इत्यादी कॉग्रेस पक्षाचे पदाधिकारी उपस्थित होते.
