उल्हासनगर दि २८ ( प्रमोद दळवी ) : ऑपरेशन सिंदूरच्या शिष्टमंडळामधील सक्रिय आणि यशस्वी सहभागानंतर कल्याण लोकसभा मतदारसंघाचे शिवसेना खासदार,संसदरत्न व संसदिय गटनेते डॉ. श्रीकांत शिंदे यांना आंतरराष्ट्रीय स्तरावर भारताचे पुन्हा एकदा नेतृत्व करण्याची एक महत्वाची जबाबदारी सोपविण्यात आली आहे. लोकसभा अध्यक्ष ओम बिर्ला यांच्या पुढाकाराने स्थापन करण्यात आलेल्या ‘पार्लमेंटरी फ्रेंडशिप ग्रुप’मध्ये डॉ. श्रीकांत शिंदे यांची ही निवड करण्यात आली आहे. याअंतर्गत विविध शिष्टमंडळ स्थापन करण्यात आले असून यातील इंडोनेशिया देशाचा दौरा करणाऱ्या शिष्टमंडळाचे नेतृत्व हे खासदार डॉ.श्रीकांत एकनाथ शिंदे करणार आहेत. त्यांची झालेली नियुक्ती हि महाराष्ट्रासाठी अभिमानाचा आणि देशासाठी गौरवाचा क्षण आहे .
संसदरत्न व संसदीय गटनेते म्हणून कार्यरत असलेले डॉ. श्रीकांत शिंदे हे या आंतरराष्ट्रीय शिष्टमंडळाचे नेतृत्व करणारे सर्वात तरुण नेते ठरले आहेत, ही विशेष उल्लेखनीय बाब आहे. या महत्त्वपूर्ण निवडीबद्दल शनिवारी दि. २८ फेब्रुवारी २०२६ रोजी शहर प्रमुख राजेंद्रसिंह भुल्लर महाराज यांनी प्रत्यक्ष भेट घेऊन त्यांचे अभिनंदन करून शुभेच्छा दिल्या. खासदार डॉ. श्रीकांत शिंदे यांच्या नेतृत्वाखाली भारत-इंडोनेशिया मैत्री संबंध अधिक दृढ होतील, असा विश्वास व्यक्त करण्यात आला.
