ठाणे दि. १६ : “रक्तदान हेच श्रेष्ठ दान” या उदात्त विचारातून एसएसटी महाविद्यालय, उल्हासनगरच्या राष्ट्रीय सेवा योजना (एनएसएस) युनिटने नेहमीच समाजासाठी उपक्रमशील भूमिका बजावली आहे. याच परंपरेत भर घालत, नुकतेच ठाणे रेल्वे स्थानकावर जे.जे. हॉस्पिटलच्या सहकार्याने भव्य रक्तदान शिबिराचे आयोजन करण्यात आले. या शिबिरात 70 पेक्षा अधिक रक्तदात्यांनी सहभागी होत आपले अमूल्य योगदान दिले.
या उपक्रमाचे आयोजन महाविद्यालयाचे संस्थापक प्राचार्य डॉ.पुरस्वानी, आयक्यूएसी समन्वयक डॉ. खुशबू पुरस्वानी, उपप्राचार्य आणि एनएसएसचे ठाणे जिल्हा समन्वयक प्रा. जीवन विचारे यांच्या मार्गदर्शनाखाली करण्यात आले. शिबिराच्या यशस्वीतेसाठी कार्यक्रम अधिकारी प्रा. मयूर माथूर, एनएसएस स्वयंसेवक आणि जे.जे. हॉस्पिटलचे कर्मचारी वर्ग यांनी विशेष मेहनत घेतली.
या उल्लेखनीय उपक्रमाबद्दल एसएसटी महाविद्यालयाच्या एनएसएस युनिटचे सर्वत्र कौतुक होत असून, सामाजिक बांधिलकी जपणारा एक प्रेरणादायी आदर्श म्हणून हा उपक्रम उभा राहिला आहे.
