उल्हासनगर दि.८ ( प्रमोद दळवी ) : भारतीय जनता पार्टी पक्षात सतत नवनिर्वाचित चेहऱ्यांची प्रवेश प्रक्रिया सुरू असते. उल्हासनगर मध्ये देखील मोठ्या प्रमाणात नुकताच नवनिर्वाचित महिलांनी भाजपात प्रवेश केला आहे. या नवनिर्वाचित महिला पदाधिकाऱ्यांसाठी रामभाऊ म्हाळगी प्रबोधनी भाईंदर या ठिकाणी एक दिवसीय प्रशिक्षण कार्यशाळा नुकताच आयोजित करण्यात आली होती. प्रशिक्षण घेण्यासाठी उल्हासनगर मधून जवळपास ५० हून अधिक नवनिर्वाचित महिला पदाधिकारी उपस्थित होत्या. या प्रशिक्षण शिबिराला महिलांचा उत्कृष्ट प्रतिसाद मिळाला.
या प्रशिक्षण शिबिरासाठी उल्हासनगर मधून महिला मोर्चाच्या मा. महिला जिल्हाध्यक्ष लता पगारे, महिला मोर्चा मंडळ अध्यक्ष सुनीता माळी यांच्यासह नवनिर्वाचित महिला मोर्चा जिल्हा उपाध्यक्ष अश्विनी शिरसाट, महिला मोर्चा मंडळ महासचिव अर्चना देशमुख व जवळपास ५० हून अधिक नवनिर्वाचित महिला पदाधिकारी हे या प्रशिक्षण कार्यशाळासाठी उपस्थित होते. त्या ठिकाणी भाजपच्या नवनिर्वाचित महिला पदाधिकाऱ्यांना भाजपची विचारधारा आणि भाजपचे नियम, तसेच समाजकार्य इत्यादी संदर्भात परिपूर्ण माहिती देण्यात आली. मोठ्या उत्साहीत वातावरणात ही एक दिवसीय प्रशिक्षण कार्यशाळा संपन्न झाली.
