ठाणे दि.२५ : पानखंडा येथे ज्ञान गंगा एज्युकेशन ट्रस्ट संचलित ज्ञानगंगा कॉलेज ऑफ एज्युकेशन (बी.एड.), ठाणे, व रोजा गार्डेनिया आरोग्य केंद्र, ठाणे महानगरपालिका आरोग्य विभाग यांच्या संयुक्त विद्यमाने मोफत वैद्यकीय आरोग्य तपासणी व उपचार शिबिराचे आयोजन करण्यात आले.
या शिबिराच्या आयोजनापूर्वी आदल्या दिवशी दिनांक २२/१२/ २०२५ रोजी बी.एड. महाविद्यालयाच्या विद्यार्थी शिक्षकांनी पानखंडा गावातील पानखंडा व बामनोईपाडा या संपूर्ण परिसरात मोफत वैद्यकीय आरोग्य तपासणी व उपचार शिबिराचीपत्रके वाटून जनजागृती मोहीम राबविण्यात आली. त्यानंतर दुसऱ्या दिवशी (२३/१२/२०२५)प्रत्यक्ष आरोग्य तपासणी शिबिर यशस्वीरीत्या पार पडले.
ठाणे महानगरपालिका आरोग्य विभागाच्या वरिष्ठ वैद्यकीय अधिकारी डॉ. वर्षा ससाणे मॅडम तसेच रोजा गार्डेनिया आरोग्य केंद्राच्या डॉ. सोनाली सरतापे व डॉ. भाविका पाटील या तज्ञ व्यक्तींच्या मार्गदर्शनाने आरोग्य तपासणी शिबिराचे कार्य उत्तमरीत्या पार पडले.या शिबिराचा लाभ गावातील ग्रामस्थ, विद्यार्थी, लहान बालके तसेच वयोवृद्ध पुरुष व महिला यांनी घेतला. शिबिरादरम्यान विविध आजारांची तपासणी करून आवश्यक त्या वैद्यकीय सेवा व उपचार मोफत स्वरूपात देण्यात आले. या आरोग्य शिबिराचा लाभ सुमारे शंभर पेक्षा अधिक नागरिकांनी घेतला.
या उपक्रमात बी.एड. महाविद्यालयाच्या विद्यार्थी शिक्षकांना आभा कार्ड,महात्मा ज्योतीराव फुले जन आरोग्य योजना कार्ड काढून देण्याचे प्रशिक्षण ठाणे महानगरपालिका आरोग्य विभागाच्या प्रशिक्षकांनी केले. ज्यामुळे विद्यार्थ्यांना वैद्यकीय क्षेत्रातील प्रत्यक्ष अनुभव प्राप्त झाला. हा उपक्रम सन्माननीय प्रा. बी. डी. पाटील व डॉ. अनिता पाटील मोरे यांच्या मार्गदर्शनाखाली यशस्वीरीत्या पार पडला. या शिबिराच्या आयोजनात बी.एड. विभागाच्या प्राचार्या सविता उपासनी यांच्यासह संपर्क उपक्रम समन्वयक प्रतिभा कांबळी, IQAC समन्वयक रचना दास – ,इतर अध्यापक वर्ग सौ. सुरभी सोना ,डॉ. कविता कांबळे ,शिक्षकेतर कर्मचारी – श्री. पराग पडेलकर , श्री. ज्ञानेश्वर ,श्री. प्रीतम शिर्के तसेच जनसंपर्क अधिकारी प्रा. अनिल आठवले यांनी मोलाचे सहकार्य केले.
या शिबिरात डॉ. सोनाली सारतापे (वैद्यकीय अधिकारी), डॉ. भाविका पाटील (वैद्यकीय अधिकारी), डॉ. महेश दिवटे (नेत्रतज्ज्ञ), डॉ. झिशान मन्सूरी (दंततज्ज्ञ) यांच्यासह एक्स-रे व रक्त तपासणी तंत्रज्ञांची तसेच परिचारिका सौ . कुसुम ताई, व सौ. सुनंदा ताईं व आशा वर्कर या सर्वांची उपस्थिती होती.
