उल्हासनगर दि .२६ : राज्य निवडणूक आयोगाच्या मार्गदर्शक सूचना व मा. आयुक्त श्रीमती मनीषा आव्हाळे यांच्या निर्देशानुसार निवडणूक कर्तव्यावर असणाऱ्या सर्व पथकांना उमेदवारांच्या निवडणूक खर्चाबाबतचे प्रशिक्षण जनरल अरुणकुमार वैद्य टाऊन हॉल येथे देण्यात आले.
यावेळी निवडणुकीसाठी नेमलेल्या खर्च विषयक टीम, भरारी पथके, स्थिर सर्वेक्षण चमू, व्हिडिओ सर्वेक्षण चमू, व्हिडिओ पाहणारे चमू मधील सर्व कर्मचारी व पोलीस कर्मचारी यांना खर्च सनियंत्रण कक्षाचे नोडल अधिकारी श्री किरण भिलारे, मुख्य लेखा अधिकारी व श्री अभिजित पिसाळ, मुख्य लेखा परीक्षक यांनी दिले. याप्रसंगी उपायुक्त श्रीमती करपे, उपायुक्त श्रीमती चौगले व भांडार प्रमुख श्री अंकुश कदम उपस्थित होते.
महानगर पालिका निवडणूक २०२५ च्या अनुषंगाने राज्य निवडणूक आयोगाच्या खर्च विषयक तरतूदींबाबत सर्वांना मार्गदर्शन करण्यात आले व त्यांच्या शंकांचे निरसन करण्यात आले.
