बदलापूर दि २ ( प्रमोद दळवी ): झेनियत बुक ऑफ वर्ल्ड रेकॉर्ड तथा वर्ड बुक ऑफ स्टार रेकॉर्ड यांच्या आंतरराष्ट्रीय मिशन द्वारा आयोजित भारत नेपाळ मैत्री सबंध फोरम एशियाई व भारत नेपाळ सांस्कृतिक शिखर परिषद अंतर्गत नेपाळ देशाचे मा.पंतप्रधान श्री. माधव कुमार यांच्या हस्ते डॉ. व्ही व्ही पोपेरे (आदिवासी सेवक महाराष्ट्र शासन) यांच्या गेली २७ वर्ष सामाजिक क्षेत्र, साहित्य कला क्षेत्र, कामगार क्षेत्र, प्रशासकीय क्षेत्र तथा सामाजिक क्षेत्रातील उल्लेखनीय उत्कृष्ट कार्याची दखल घेत त्यांच्या व्यवस्थापन कौशल्याबाबत त्यांना साउथ एशियाई ब्रिलियन्स विशेष पुरस्काराने काठमांडू नेपाळ येथे भव्य सांस्कृतिक शिखर आंतरराष्ट्रीय संमेलनामध्ये पुरस्कार प्रदान करण्यात आला.
त्यावेळेस भारतासह ९ देशांचे प्रतिनिधी तथा विविध क्षेत्रातील तज्ञ मान्यवरांच्या प्रमुख उपस्थितीमध्ये भव्य दिव्य कार्यक्रम संपन्न झाला. भारत नेपाळ मैत्री सबंध अंतर्गत कला संस्कृतिक व्यावसायिक संबंध बळकट करणे एशियात शांतता मैत्रीपूर्ण सबंध प्रस्थापित करण्यावर विशेष बैठक पार पडली. त्यावेळेस वर्ड बुक ऑफ स्टार रेकॉर्ड भारतातील अध्यक्ष डॉ.राजीव पाल , वर्ड बुक ऑफ स्टार रेकॉर्डच्या ब्रँड अँबेसिडर प्रसिद्ध गायिका मा.संतश्री भट्टाचार्य मॅडम, आंतरराष्ट्रीय हिंदू परिषद नेपाळ देशाचे अध्यक्ष मा.श्री शंकरजी खरेल ,मा श्रीमती शारदाराणी पोखरेल मॅडम (आंतरराष्ट्रीय हिंदू परिषद महिला अध्यक्ष नेपाळ देश) व मा.योगी श्री चिन्मयानंद विश्व योग व सनातन संस्कार प्रसारक, मा सिद्धार्थ महाराज (भगवान गौतम बुद्ध) जन्मस्थळ लुमिनी प्रमुख व नेपाळ सरकारचे मा.मंत्री. व नेपाळ सरकारचे न्यूज नेटवर्क प्रतिनिधी सह आठ देशातील न्यूज वृत्त वाहिनी प्रतिनिधी या कार्यक्रमास आवर्जून प्रामुख्याने उपस्थित होते.
या कार्यक्रमांमध्ये डॉ. व्ही व्ही पोपेरे (आदिवासी सेवक महाराष्ट्र शासन) तथा देश रत्न, भारत आयकॉन पुरस्कार नीती आयोग भारत सरकार पुरस्कार प्राप्त (महाराष्ट्र राज्य भारत) यांना यांच्या या आंतरराष्ट्रीय पुरस्कारामुळे त्यांच्यासह त्यांचे गाव मौजे पोपेरेवाडी (कोंभाळणे) व सध्या राहत असलेले बदलापूर ठाणे यांचे नावलौकिक व आंतरराष्ट्रीय स्तरावर पोहोचविले ही विशेष बाब आहे. त्यांच्या यशामागे सर्व मित्र परिवार व स्वर्गीय रुक्मिणीबाई पोपेरे चॅरिटेबल ट्रस्ट बदलापूर ठाणे, नॅशनल आदिवासी पीपल्स फेडरेशन नागपूर, महाराष्ट्र राज्य,व अखिल भारतीय आदिवासी विकास परिषद नवी दिल्ली ,मुंबई ,कोकण ,विभागीय अध्यक्ष, व सह्याद्री सेवा संघ मुंबई, कळमजाई माता तरुण मित्र मंडळ पोपेरेवाडी, कळमजाई माता महिला बचत गट पोपेरेवाडी, रिपब्लिकन एम्प्लॉइज फेडरेशन मुंबई, आत्मा उन्नती सेवाभावी संस्था नाशिक, विविध संघटना संस्था व मंडळे व मा.श्री पवनजी म्हात्रे साहेब कक्षा अधिकारी महाराष्ट्र विधानसभा मुंबई व मा.श्री बाळासाहेब बुळे सर राष्ट्रपती भवन एग्रीकल्चर विभाग नवी दिल्ली व सर्व समाज घटक यांच्या सातत्याने मिळणारे सहकार्य असे वृत्तपत्र प्रतिनिधी सोबत बोलताना डॉ. व्ही व्ही पोपेरे यांनी सांगितले. डॉ. व्ही व्ही पोपेरे यांच्या या उज्वल येशाचे सर्व क्षेत्रातून अभिनंदन व स्वागत होत आहे
