उल्हासनगर दि २ : उल्हासनगर महानगरपालिकेची सार्वत्रिक निवडणूक २०२५-२६ ची प्रक्रिया सुरू झाली आहे. शहरातील पॅनल क्रमांक १ ते पॅनल क्रमांक २० मधून विविध राजकीय पक्षांचे व अपक्ष असे जवळपास ४३२ उमेदवार निवडणुकीच्या रिंगणात उतरले आहेत. शहरातील मतदारांनी मोठ्या संख्येने मतदान करावे या उद्देशाने उल्हासनगर महानगरपालिका क्षेत्रात मतदानाबाबत जनजागृती व्हावी याकरिता स्वीप अंतर्गत उल्हासनगर महापालिका क्षेत्रात निवडणुकीसाठी मतदार जागृती अभियान राबवण्यात आले.
राबवण्यात आलेल्या उपक्रमामध्ये १) उल्हासनगर महानगरपालिका क्षेत्रातील सेंच्युरी रेयॉन हायस्कूलच्या विद्यार्थ्यांमार्फत मतदान जनजागृतीपर रॅलीचे आयोजन करण्यात आले. २) उ.म.पा. शाळा क्र. २९ च्या विद्यार्थ्यांनी मतदान जनजागृतीपर रांगोळी प्रदर्शन भरविण्यात आले. ३) मातोश्री रमाबाई आंबेडकर प्राथमिक व माध्यमिक शाळेने मतदान जनजागृती अभियान अंतर्गत आई-बाबांना पत्र व निबंध स्पर्धेचे आयोजन केले होते. ४) उल्हासनगर महानगरपालिका क्षेत्रातील आर.के.टी. सिनिअर कॉलेज, सी.एच.एम. सिनिअर कॉलेज डी.टी. कालानी कॉमर्स कॉलेज व वेदांता महाविद्यालयातील विद्यार्थ्यांना मतदान जनजागृतीपर शपथ देण्यात आली आहे. ५) उल्हासनगर महानगरपालिका क्षेत्रातील वर्दळीच्या १० ठिकाणी फलक, होर्डिंग लावण्यात आले आहे. ६) वलयांकित (सेलेब्रेटी) व्यक्ती, (श्री. प्रथमेश परब) यांच्या माध्यमातून मतदानासाठी आवाहन करण्यात येत आहे. ७) उल्हासनगर महानगरपालिकेच्या वेबसाईटवर मतदान जनजागृतीपर व्हिडिओ प्रसारित करण्यात आला आहे. आशा अभियानाचा समावेश होता.
