उल्हासनगर दि ७ : आंतरराष्ट्रीय महिला दिनानिमित्त उल्हासनगरमधील महिला बचत गटांच्या लाडक्या बहिणींना स्व-रोजगारासाठी स्टॉल वाटप करून सन्मानित करण्यात येणार आहे. लाडके खासदार डॉ. श्रीकांत एकनाथ शिंदे यांच्या मार्गदर्शनाखाली महापौर मा. अश्विनी कमलेश निकम व शिवसेना गटनेते अरुण आशान यांच्या पुढाकाराने आयुक्त मा. मनीषा आव्हाळे यांच्या उपस्थितीत हा कार्यक्रम आयोजित करण्यात आला आहे.
उल्हासनगरमध्ये अनेक महिन्यांपासून रखडलेला स्टॉल वाटपाचा प्रश्न सोडवण्यासाठी शिवाजी रगडे यांनी सातत्याने पाठपुरावा व आंदोलन केले. आयुक्तांकडे वारंवार पाठपुरावा, आमदार कार्यालयावर काढलेला मोर्चा तसेच महानगरपालिका गेटसमोर दिलेले ठिय्या आंदोलन अशा विविध माध्यमांतून हा प्रश्न प्रशासनासमोर ठामपणे मांडण्यात आला.या सातत्यपूर्ण संघर्षाला अखेर यश मिळाले असून खासदार डॉ. श्रीकांत शिंदे यांच्या मार्गदर्शनाखाली व महापौर अश्विनी कमलेश निकम यांच्या मध्यस्थीने ८ मार्च रोजी आंतरराष्ट्रीय महिला दिनानिमित्त आयोजित कार्यक्रमात महिला बचत गटांना स्टॉल वाटप करण्यात येणार आहे.
सदर स्टॉल वाटपासाठी आवश्यक कागदपत्रांची पूर्तता महापौर अश्विनी कमलेश निकम व गटनेते अरुण आशान यांच्या मध्यस्थीने शिवाजी रगडे यांच्या पुढाकाराने पूर्ण करण्यात आली आहे. दीर्घकाळ चाललेल्या संघर्षाला यश मिळाल्याने महिला बचत गटांमध्ये आनंदाचे वातावरण असून ८ मार्च रोजी होणाऱ्या स्टॉल वाटपाबद्दल उत्साह व्यक्त केला जात आहे.
