उल्हासनगर दि.४ : उल्हासनगरात महापुरुषांच्या संयुक्त जयंती निमित्त स्वराज्य संघटनेचा वतीने आयोजित महाआरोग्य शिबिर काली माता मंदिर, कुर्ला कॅम्प, उल्हासनगर – ४ येथे उत्कृष्ट रित्या पार पडले. ४०० नागरिकांनी शिबिरात सहभाग नोंदविला.
या महाआरोग्य शिबिरात नागरिकांना मोफत औषेध वाटप करण्यात आले, तज्ञ डॉक्टरांकडून मोफत तपासणी करण्यात आली, मोफत स्त्रीरोग/बालरोग सल्ला देण्यात आला, मोफत दंतचिकित्सा आणि नेत्रतपासणी करण्यात आली, मोफत कॉलेस्ट्रॉल तपासणी करण्यात आली, मोफत ECG तपासणी करण्यात आली, मोफत मधुमेह तपासणी करण्यात आली, मोफत थायरॉईड (TSH) तपासणी करण्यात आली, मोफत TB तपासणी करण्यात आली, मोफत XRay तपासणी करण्यात आली.
कार्यक्रमाचे आयोजन स्वराज्य संघटनेचे सदस्य शशि सावंत, संघटक आयु.राहुल आढाव, खजिनदार ॲड. राहुल बनकर यांनी केले होते. शिबिराला डॉ.चंद्रकांत साळवे, डॉ. अजय गव्हाळे, डॉ. हेमंत चौधरी, डॉ. गोकुळदास अहिरे, डॉ. मुकुल वाणी, डॉ. रामचंद्र खरात, डॉ. सुनीता जगताप, डॉ. चंद्रकांत शिवशरण, डॉ. प्रतीक देहाडे, डॉ. भूषण साखरे, डॉ. हेमा लोहावे, डॉ. नागेश शेजव, डॉ. अर्चना जगताप, डॉ. नीलिमा थूल, डॉ.पंकज धनावडे, डॉ. आर्निस्ट दियास, डॉ. आसिया जबीन उपस्थित होते.जास्तीत जास्त नागरिकांनी या महाआरोग्य शिबिराचा लाभ घेऊन, नागरिकांचा दैनंदिन विषयावर काम करणार असल्याचे संघटनेचा संस्थापक अध्यक्ष ॲड जय गायकवाड यांनी सांगितले.
