उल्हासनगर दि २ ( प्रमोद दळवी ) : उल्हासनगर शहरात शिवसेना उद्धव बाळासाहेब ठाकरे पक्षाच्यावतीने शहरातील शिवसेना विभाग क्रमांक ३ शिवसेना उद्धव बाळासाहेब ठाकरे संतोषनगर शाखा येथे शिवसेना पक्षाचे उपविभाग प्रमुख आदिनाथ पालवे व शाखाप्रमुख प्रदीप वनवे यांच्या पुढाकाराने शहरातील ५१ व्यक्तींचा सामुदायिक वाढदिवस सोहळाचा कार्यक्रम आयोजित करण्यात आला होता. सातव्या वर्षी हा सामुदायिक वाढदिवस समारंभ मोठ्या उत्साहात साजरा करण्यात आला. हा सामुदायिक सोहळा पाहण्यासाठी परिसरातील नागरिकांनी प्रचंड गर्दी केली होती. त्यावेळी वाढदिवस असणाऱ्या व्यक्तींचा सत्कार करून त्यांना शुभेच्छा देण्यात आल्या.
या सामुदायिक वाढदिवस सोहळाच्या कार्यक्रमाला जिल्हाप्रमुख धनंजय बोडारे, उपजिल्हाप्रमुख राजेंद्र शाहू, महानगरप्रमुख राधाचरण करोतिया, शहर प्रमुख बिंदर पाऊ, उपशहर प्रमुख दिलीप मिश्रा, भगवान मोहिते विभाग प्रमुख दशरथ चौधरी, उपविभाग प्रमुख साहेबराव ससाने, अशोक जाधव, शाखाप्रमुख शशी भूषण सिंग, साठे सर , समाजसेवक अंबादास पालवे, शिवाजी रगडे, गौतम ढोके यांची प्रमुख उपस्थिती होती.
वाढदिवस साजरे करण्यात आलेल्या व्यक्तींमध्ये कैलास तेजी (शहर प्रमुख), शिवाजी जावळे (उप विधानसभा प्रमुख ), मंगला पाटील (शहर उपसंघटक), भगवान मोहिते (उपशहर प्रमुख), नाना पवार (माजी नगरसेवक), बापू सोनवणे (आरपीआय सचिव), तानाजी माळी (शाखाप्रमुख), गंगा भाबड (समाजसेवक), पिराजी खेडकर (समाजसेवक), भास्कर कराळे (उपशाखाप्रमुख), बाबा पालवे (उपशाखाप्रमुख), दगडू खाडे (समाजसेवक), नामदेव भुजबळ (समाजसेवक), बळीराम पाटील (समाजसेवक), भानुदास भाबड (समाजसेवक), बाबू मंगतानी (माजी नगरसेवक), मन्सूर शेख (समाजसेवक), अहमद कुरेशी (गटप्रमुख), विक्रम बोडके (जगदंबा पतसंस्था अध्यक्ष), किशोर गलांडे (समाजसेवक), भास्कर डमाळे, महेश वनवे (शिक्षक), देसले साहेब (समाजसेवक), आणि किरण पालवे (समाजसेवक) श्रीरंग काटे कचरु साबळे यांचा समावेश होता.
वाढदिवस असणाऱ्या ५१ व्यक्तीला एकत्रित बोलून केक कापून हा आगळावेगळा वाढदिवस कमी खर्चामध्ये आपण साजरा केला असल्याची माहिती आदिनाथ पालवे यांनी दिली. वाढदिवस असणाऱ्या ५१ व्यक्तींनी एकमेकांना केक भरून एकमेकांना वाढदिवसाच्या शुभेच्छा देखील दिल्या. याशिवाय या ५१ लोकांच्या वाढदिवसाचा एकच बॅनर लावण्यात आला होता. या आगळ्यावेगळ्या वाढदिवसाची चर्चा संपूर्ण उल्हासनगर शहरात एक चर्चेचा विषय ठरला आहे.
