( प्रमोद दळवी )
निशा भगत यांच्या गाण्यांवर अनेकांनी धरला ठेका
उल्हासनगर दि.२७ : उल्हासनगरातील कॅम्प नं ४ परिसरातील सुभाष टेकडी येथील दहाचाळ, नालंदा शाळेसमोर महामानवांची संयुक्त जयंती मोठ्या उत्साहात साजरी करण्यात आली. या कार्यक्रमाला महाराष्ट्राची महागायिका निशा भगत यांनी लोकप्रिय भीम गीत सादर केले. त्यावेळी कार्यक्रमाला उपस्थित हजारो उल्हासनगरकरांनी अक्षरशा गाण्यांवर ठेका धरत निशा भगत यांना दाद दिली. भारतरत्न डॉ. बाबासाहेब आंबेडकर यांच्या १३४ व्या जयंतीनिमित्त दहा चाळ रहिवासी संघटना, एकता मित्र मंडळ, नागसेन क्रिकेट क्लब, नवयुवक मित्र मंडळ यांच्यातर्फे महामानवांची संयुक्त जयंती महोत्सव व भीम गीताचा कार्यक्रम आयोजित करण्यात आला होता.
महाराष्ट्राच्या प्रसिद्ध महागायिका निशा भगत यांनी भीम गीतांच्या या कार्यक्रमात एकापेक्षा एक सरस अशी भीम गीते सादर केली. हा कार्यक्रम पाहण्यासाठी मोठ्या संख्येने भीम अनुयायींनी प्रचंड गर्दी केली होती. दहा चाळ इथे दरवर्षी जयंतीनिमित्त विविध कार्यक्रम आयोजित करण्यात येत असतात. यावेळी देखील विविध कार्यक्रम आयोजित केले होते. घेण्यात आलेल्या कार्यक्रमाचे बक्षीस वितरण सोहळाही या कार्यक्रमात मान्यवर मंडळींच्या हस्ते पार पडला.
या कार्यक्रमात प्रमुख उपस्थिती म्हणून माजी नगरसेवक प्रमोद टाळे, रमेश चव्हाण, प्रशांत धांडे, तसेच संदीप डोंगरे सोनू माथारू, राहुल कोजगे, सुधीर बागुल, सुरेश देशमुख आधी उपस्थित होते. नुकताच १० एप्रिल रोजी सुभाष टेकडीतील डॉ. बाबासाहेब आंबेडकर चौकात भारतरत्न डॉ बाबासाहेब आंबेडकर यांच्या पूर्णकृती पुतळ्याचे अनावरण झाले होते. त्यामुळे भीम अनुयायींमध्ये आनंदाचे वातावरण पसरले पसरले आहे. त्यातच दहा चाळ येथे महामानवांची संयुक्त जयंती महोत्सव व भीम गीतांच्या कार्यक्रमाला प्रचंड गर्दी जमली होती.
हा कार्यक्रम यशस्वीरित्य पार पडण्यास दहा चाळ रहिवाशी संघटना उल्हासनगर – ४ चे अध्यक्ष भीमा गायकवाड,उपाध्यक्ष आशिष रोकडे,सचिव संजय वाघमारे,खजिनदार रवींद्र राडे, कार्याध्यश किरण सावळे, कायदेशीर सल्लागार ॲड प्रशांत चंदनशिव , सदस्य सिद्धार्थ खडताळे ,सागर रोकडे ,अक्षय गायकवाड, मेहुल गायकवाड ,अस्मित गावंडे, राहुल शिंदे, रोहन कांबळे, विकी म्हस्के, तुशीत सोनवणे, अनिकेत राडे यांनी भरपूर मेहनत घेतली. हा कार्यक्रम मोठ्या उत्साहात, धुमधडाक्यात आनंदाने साजरा करण्यात आला.
