मुंबई दि.२५ : भारतीय युवा वेल्फेअर असोसिएशन भारत नवी दिल्ली व भारत सरकार यांच्या सहकार्याने महाराष्ट्र राज्यामधील डॉक्टर व्ही व्ही पोपेरे यांची उल्लेखननीय समाज सेवा कार्याबदल महाराष्ट्र राज्यातून निवड करण्यात आली आहे. त्या कार्यक्रमाकरिता प्रमुख पाहुणे मा. श्री. अर्जुन मेघवाल (कायदामंत्री भारत सरकार नवी दिल्ली ) व मा.श्री.गजेंद्र सिंग शेखावत ( सांस्कृतिक कार्यमंत्री भारत सरकार नवी दिल्ली ),मा.ना. रामदासजी आठवले ( राज्यमंत्री सामाजिक न्याय विभाग भारत सरकार नवी दिल्ली) मा.श्री. जगदंबिका पाल (पूर्व मुख्यमंत्री उत्तर प्रदेश ), मा.श्री. प्रवेज वर्मा ( उपमुख्यमंत्री नवी दिल्ली ),मा. श्री. मुस्ताक खान ( हिंदी चित्रपट अभिनेता),व मा.राहुल बुचर ( चित्रपट अभिनेता), यांच्या प्रमुख उपस्थितीमध्ये या वर्षाचा पुरस्कार देण्यात येणार आहे.
महाराष्ट्र राज्यामधील समाजसेवा क्षेत्रातील उल्लेखनीय कार्य केलेले बदलापूर मधील मा.डॉ.व्ही.व्ही.पोपेरे हे गेली २६ वर्षापासून ग्रामीण भागामध्ये समाजसेवेची कार्य करीत आहेत. समाजसेवेच्या आतापर्यंत त्यांनी बहुतांशी उपक्रम राबवलेले आहेत, महिलांनाकरिता ब्युटीपार्लर कोर्स मोफत राबविणे, मेणबत्ती प्रशिक्षण देणे, अगरबत्ती प्रशिक्षण देणे, रोजगार विमुख कार्यक्रम राबवणे, सुशिक्षित तरुण बेरोजगार यांना रोजगार उपलब्ध करून देणे, मोफत संगणक प्रशिक्षण रबाविणे, परिवहन विभागाची बस सेवा सुरू करणे, इत्यादी विविध उपक्रम राबवलेले आहेत. व अध्यापर्यंत समाजसेवेचे कार्य मोठ्या जोमाने ते महाराष्ट्र राज्यात करत आहेत. इत्यादी उल्लेखनीय समाजकार्याचे दखल घेऊन वरील मान्यवरांच्या उपस्थितीमध्ये डॉक्टर पोपेरे यांना देश रत्न २०२५ या वर्षाचा पुरस्कार जाहीर झाल्याबद्दल सर्व स्तरावरून कौतुकाचे व अभिनंदनाचे वर्षाव होत आहेत.
